پێشبینی ده‌كرێت سبه‌ی هه‌ینی له كاته‌كانی شه‌وه‌وه هەرێمی كوردستان بكه‌وێته ژێر كاریگه‌ری شه‌پۆلێكی به‌فر و باران
كه‌شناسی هه‌رێم رایگه‌یاند، پێشبینی ده‌كرێت سبه‌ی هه‌ینی له كاته‌كانی شه‌وه‌وه، هه‌رێمی كوردستان بكه‌وێته ژێر كاریگه‌ری شه‌پۆلێكی به‌فر و باران و له‌ماوه‌ی شه‌پۆله‌كه‌دا كه چه‌ند رۆژێك به‌رده‌وام ده‌بێت، پله‌كانی گه‌رما چه‌ند پله‌یه‌ك داده‌به‌زن.
كه‌شناسی هه‌رێم، ئه‌مشه‌و پێنجشه‌ممه، له راگه‌یه‌ندراوێكدا وتی، پێشبینی دەکرێت درەنگانی شەوی هەینی لەسەر شەممە هەرێمی کوردستان بکەوێتە ژێر کاریگەری شەپۆلێکی باران بارین و بەفر بارین.
ئه‌وه‌شی خستۆته‌ڕو، سەرەتا لەکاتەکانی دوای نیوەشەو تا پێشنیوەڕۆی شەممە بارانی پچڕپچڕ دەبێت لە ناوچەکانی ڕۆژهەڵاتی هەرێم (سلێمانی و هەڵەبجە)و گەرمیان و کەرکوک و ڕاپەڕین و لە ناوچەکانی ناوەڕاست و باکور تەنیا کەمێک نمە باران دەبێت، پاشان کاریگەری شەپۆلەکە درێژ دەبێتەوەو سەرجەم ناوچەکانی هەرێم دەگرێتەوە.
ئاماژه‌ی به‌وه‌شداوه، لە کاتەکانی پێش نیوەشەو تا پێش بەرەبەیانی یەکشەممە بۆ ماوەیەکی کورتخایەن شێوازی باران بارین دەگۆڕێت بۆ بارانی بەلێزمە لە ناوچەکانی سنوری دهۆک-بەردەڕەش- هەولێر و کۆیە و بەشێک لە سنوری ڕاپەڕین و ئیدارەی سۆران و ئاکرێ و ناوچە شاخاوییەکانی ڕۆژهەڵاتی دهۆک، هاوکات تێکەڵەی بارینی بەفر و باران دەبێت لە ئیدارەی سۆران و لە ناچەکانی دیکەی هەرێم نمە باران و بارانی مامناوەند دەبارێت.
كه‌شناسی هێمای بۆ ئه‌وه‌ش كردوه، بەیانی ڕۆژی یەکشەممە باران بارین لەسەر پارێزگای هەولێر و دهۆک زۆر لاواز دەبێت و تەنیا لە ناوچەکانی ڕۆژهەڵاتی هەرێم (سلێمانی و هەڵەبجە)و ناوچە شاخاوییەکان نمە باران دەبارێت .
به‌پێی قسه‌ی كه‌شناسی هه‌رێم، لە کاتەکانی شەوی یەکشەممە لە سەر دوشەممە کاریگەری باران بارین سەرجەم ناوچەکانی هەرێم دەگرێتەوە بە نمە باران و بارانی مامناوەندی پچڕپچڕ و لەدوای نێوەڕۆوە دیسان کاریگەرییه‌كه‌ی لاواز دەبێت لەسەر هەردو پارێزگای هەولێر و دهۆک، بەڵام کاریگەرییەکەی لە ناوچەکانی ڕۆژهەڵات (سلێمانی و هەڵەبجە) و ناوچە شاخاوییەکان به‌رده‌وام دەبێت.
به‌گوێره‌ی راگه‌یه‌ندراوه‌كه، له‌ماوه‌ی شه‌پۆله‌كه‌دا، پلەکانی گەرما (3-5) پلەی سیلیزی نزم دەبنەوە بە بەراورد بە پلەکانی گەرمی ئەمڕۆ پێنجشه‌ممه‌و هه‌روه‌ها خێرایی با (15-25) کم/ک دەبێت به‌ڵام ڕۆژی شەممە لە هەولێر چالاک دەبێت بۆ سەروی 35کم/ک، هه‌روه‌ها له رۆژی دوشه‌ممه لە سلێمانی خێرایی با چالاک دەبێت بۆ سەروی 45 کم/ک.
جه‌ختیشی كردۆته‌وه كه لە ماوەی ئەم شەپۆلەدا بەفر لە سەرجەم ناوچە شاخاوییە سنورییەکان و هەندێک لەو ناوچانەی نزیکن لە ناوچە شاخاوییە سنورییەکان دەبارێت.
كلمات مفتاحية
اخبار ذات صلة
تعليقات
أحدث الاخبار
إمام جمعة النجف يحذر من الضغوط الخارجية ويطالب بوقف الانتهاكات الجوية
الزراعة توضح حقيقة وجود مخاطر صحية في البيض المستورد
صراع مشتعل على صدارة دوري النجوم وسط مباريات حاسمة ومرتقبة
الأنواء: أمطار رعدية وانخفاض في درجات الحرارة
المرور العامة تنوه عن قطع جزئي لطريق في بغداد
الحشد ينفي تقاضي المستشارين الإيرانيين رواتب خلال حرب العراق ضد الإرهاب
الحكومة: الزيدي سيزور الكويت والبحرين ودولاً أخرى ترتبط مع العراق بمصالح استراتيجية
تسنيم: طهران تلقت رسالة أمريكية عبر وسطاء وتتمسك بشروطها الصارمة
القائد العام للقوات المسلحة يتولى مهام رئاسة جهاز المخابرات
قائمة مسائية بأسعار الدولار في العراق
البرلمان يؤجل انعقاد جلسته إلى إشعار آخر
زيارة رفيعة لمقر المخابرات وتأكيد حكومي على إبعاده عن التحاصص الحزبي
النفط تنفي سحب يد علي نزار الشطري من إدارة شركة سومو
إطلاق رواتب متقاعدي العمال المضمونين لشهر تشرين الثاني
البنك المركزي العراقي ينفي صدور قائمة تدقيق لشخصيات سياسية
ارتفاع جديد لأسعار الدولار في بغداد وأربيل
النزاهة: الحبس الشديد خمس سنوات بحقّ النائب زياد الجنابي
