سەرۆکی ئەنجومەنی وەزیران محەمەد شەیاع سودانى،  پێشوازی کرد لە شاندێکی کۆمەڵەی جیهانی بۆ لێکنزیکبوونەوەی مەزهەبە ئیسلامییەکان و جەختیکردەوە پێویستمان بە یەکگرتوویی هەڵوێست هەیە و هەموو دەستپێشخەری و ئیدانەکردنەکان لە ئاستی ئەو تاوانە نیە کە لە غەزە ڕوودەدات.

نوسینگەی راگەیاندنی سەرۆک وەزیران لە راگەیەندراوێکدا بڵاویکردەوە:-لە سەرەتای دیدارەکەدا، سودانی پیرۆزبایی لە کۆنفرانسی لێکنزیکبوونەوەی کرد لە عێراق و جەختی لەوە کردەوە کە میللەتی ئیسلام بە درێژایی مێژوو چەند جارێک تووشی شێواندنی بە ئەنقەست بووە بۆ پەیامی محەمەدی، کە لە سەردەمی نوێماندا بە ڕووخساری جیاواز دەرکەوتووە و یەکێک لەو ڕوخسارانەش تیرۆرە.

سەرۆکی ئەنجومەنی وەزیران جەختی لەوە کردەوە کە عێراقییەکان لە ساڵی 2003 ەوە شەڕێکی چارەنووسسازیان کردووە بۆ بەرگریکردن لە خاک و بوون لە ڕووخاندنی ڕژێمی دیکتاتۆرییەوە تاکوو شەڕی تیرۆر و هاتنی داعش و ئەم وێستگە سەختە هەموو عێراقییەکانی یەکخست بەتایبەتی دوای فەتوا پیرۆزەکەی مەرجەعى باڵا سەید سیستانی.

ئاماژەی بەوە کرد کە هەمەجۆری مەزهەبی یەکگرتوویی لە ناو یەک نیشتمان بەهێزتر دەکات و هەمەجۆری ئەم قوتابخانانە لە فیقه و ڕێزمان و لێکدانەوە و خوێندنەوەی قورئاندا سەرچاوەی شانازی و نیشانەی دەوڵەمەندی مێژووییە و جەختی لەوە کردەوە کە پەیامی لێکنزیکبوونەوە و بەهێزکردنی پەیوەندی پەیامێکی مرۆیی و ئیسلامی محەمەدییە بە باشترین شێوە.

سودانی جەختی لەوە کردەوە ئەمڕۆ میللەتەکەمان لە ناوەڕۆکی خۆیدا تاقیدەکرێتەوە لەڕێگەی ئەو هێرشە دڕندانەی سەر غەزەوە کە ساختەیی کۆمەڵگای ڕۆژئاوایی ئاشکرا کرد، کە هەمیشە باس لە ئایدیاڵ و پرەنسیپەکان دەکەن.

ئەمەی خوارەوە دەقی وتارەکەی سەرۆکی ئەنجومەنی وەزیرانە:

? شەپۆلەکانی تیرۆری کوێر هەموو پێکهاتەکانی گەلی عێراقیان کردە ئامانج و هیچ پەیوەندییەکیان بە دۆخی گەلی عێراقی پێکەوەژیان و برایەتییەوە نییە.

? بۆ ڕزگارکردنی خاک بە کاروان شەهیدمان پێشکەش کرد و داعش ناوچەکەی کردە ئامانج وەک بەشێک لە پڕۆژەیەکی گەورە بە ئامانجی گۆڕینی سیماکانی ناوچەکە، بە پشتگیری و ئیرادە و هێزی ناسراو.

? پێویستە نەوەیەکە لە گەنجەکانمان و هەموو بەشەکانی گەلانی موسڵمان پەرەپێبدەین بۆ ئەوەی 
مامەڵە لەگەڵ جیاوازییە مەزهەبییەکاندا بکەن وەکوو ئەوەی کە قوتابخانەی بیرکردنەوە بێت بە پلەی یەکەم.

? مەزهەبەکان لە بنەڕەتدا لە یەکترەوە نزیکن و ئەوەی ئەمڕۆ کۆیان دەکاتەوە زۆر گەورەترە لەوەی کە دابەشیان دەکات.

? ئەو دوژمنکارییە دڕندانەی کە لەلایەن هێزە داگیرکەرەکانەوە ئەنجام دەدرێت جینۆسایدێکە کە هیچ هاوتایەکی نییە لە ئاستی ڕووداوە مێژووییەکان و تاوانەکاندا.

? ئەمڕۆ هاوڵاتیانی سڤیل پەنایان بردە شوێنێکی دیکە لە ڕەفەح و بە شێوەیەکی دڕندانە کرانە ئامانج.

? پێویستمان بە یەکگرتوویی هەڵوێستەکان هەیە و هەموو دەستپێشخەری و ئیدانەکردنەکان لە ئاستی ئەو تاوانانەدا نین کە لە غەزە ڕوودەدات.

? پرسی فەڵەستین بنچینەییە بۆ ویژدانی عێراقییەکان و شەهیدەکانمان تا ئێستاش لە خاکی فەڵەستیندان.

? کۆمەڵگاکانمان ئەمڕۆ زۆر پێویستیان بە بەهێزکردنی ئەخلاقی هەیە دژی ئەو هێرشەی کە بوونی تەکنەلۆژیا بەکاردەهێنێت.