دارایی نوێنەرایەتی: رێگایەكی نوێمان داڕشتووە بۆ بەدواداچوونی خەرجییەكان

22:24 2024-01-24 57282 عێراق 0

2024-01-24

57282

ئەمڕۆ چوارشەممە، سەرۆكی لیژنەی دارایی نوێنەراەتی عەتوان عەتوانی، كێشانی ڕێگایەكی نوێی بۆ بەدواداچوونی خەرجییەكان راگەیاند و هەروەها ئاماژەی بە خواستی گەیاندنی پڕۆژەی ستراتیژی بۆ قەزا و ناحیەكان. کرد
نوسینگەی راگەیاندنی سەرۆكی لیژنەی دارایی لە ئەنجومەنی نوێنەران لە بەیاننامەیەكدا رایگەیاند: ئەمڕۆ چوارشەممە، وەفدی لیژنەی دارایی پەرلەمان بە سەرۆكایەتی عەتوان عەتوانی، سەردانی وەزارەتی ئاوەدانكردنەوە و نیشتەجێكردن و شارەوانیە گشتییەكانی كرد و لەگەڵ وەزیر پەنگین ڕیكانی، كۆبووەوە بۆ تاوتوێكردنی كۆمەڵێك دۆسیەی گرنگ، هەروەها عەتوانی و وەزیر سەرپەرشتی كۆبوونەوەیەكی فراوانیان كرد بە ئامادەبوونی پەرلەمانتارانی لیژنەی دارایی و كادرانی پێشكەوتووی وەزارەت.
ئاماژەی بەوەشدا: لە میانی كۆبوونەوەكەدا پێداچوونەوە بەو پڕۆژە و پرۆگرامانە كرا كە ئەنجام دراون بە پێی پرۆگرامی وەزاری و بەپێی ئەو بودجەیەی ساڵی 2023 بۆ وەزارەت تەرخانكراوە، بەتایبەتی سەبارەت بە یەكەم پاكێجی پڕۆژەكان بۆ چارەسەركردنی قەرەباڵغی هاتووچۆ و دروستكردنی ڕێگای بازنەیی و شاری نیشتەجێبوونی نوێ.
بەگوێرەی بەیاننامەكە، عەتوانی لەمیانی كۆبوونەوەكەدا رایگەیاند: رێگایەكی نوێمان داڕشتووە بۆ بەدواداچوونی جێبەجێكردنی بودجە لەڕێگەی سەردانی مەیدانی بۆ دامەزراوەكانی دەوڵەت بۆ دیاریكردنی قەبارەی خەرجییەكان و ڕێژەی تەواوبوونی پڕۆژەكان.
ئاماژەی بەوەشكرد: یەكەم پاكێجی پڕۆژەكان بۆ نەهێشتنی قەرەباڵغی هاتوچۆ لە بەغدا ئاماژەی بە گۆڕانكاری چۆنایەتی لە ئەدای وەزارەتدا كرد و هیوای بە هاوڵاتی بەخشی كە حكومەت بەشێوەیەكی دروست بەردەوام دەبێت.
وتیشی: خواستمان ئەوەیە كە پلانەكانی جێبەجێكردنی پڕۆژە ستراتیژییەكانی وەزارەت لە كەرتە خزمەتگوزارییە جیاوازەكاندا قەزا و قەزاكانیش بگرێتەوە.