پەرلەمانتارێکی کورد: پێدەچێت هەڵبژاردنەکانی پەرلەمانی کوردستان یەک بۆ دوو مانگی دیکە لەسەر وادەی دیاریکراوی خۆیدا دوابخرێت

13:36 2023-12-26 73791 تایبەت بە (المطلع) 0

2023-12-26

73791

ئەمڕۆ سێشەممە،دارا حەمە پەرلەمانتاری پارێزگای سلێمانی دووپاتیکردەوە کە هەڵبژاردنی پەرلەمانی هەرێمی کوردستان لە مانگی شوباتی داهاتوودا بەڕێوەدەچێت،ئاشکرایشیکرد کە چەندین سکاڵا هەیە لە دادگای فیدراڵی سەبارەت بە یاسای هەڵبژاردنەکانی هەرێم پێدەچێت بۆ ماوەی یەک بۆ دوو مانگ وادەی هەڵبژاردنەکان دوابخات.
حەمە لەلێدوانێکدا بە ئاژانسی"موتەڵع"ی رایگەیاند"لایەنە سیاسییەکانی هەرێمی کوردستان لەگەڵ کۆمسیۆنی هەڵبژاردنەکانی فیدراڵی ڕێکەوتوون لەسەر وادەی ئەنجامدانی هەڵبژاردنی پەرلەمانی کوردستان لە 25 ی مانگی شوباتی داهاتوودا و کۆمسیۆن ئامادەیی خۆی دەربڕیوە بۆ ئەنجامدانی هەڵبژاردنەکان لەم وادەیەدا."
وتیشی،"یەکێتی نیشتمانی کوردستان چەند سکاڵایەکی دژی یاسای هەڵبژاردنی هەرێم پێشکەشکردووە هەروەها لایەنەکانی دیکەش سکاڵایان تۆمارکردووە،کە لە 27ی ئەم مانگە لەلایەن دادگای فیدڕاڵییەوە پێداچوونەوەیان بۆ دەکرێت."
ئاماژەی بەوەشکردووە، "ئەو سکاڵایانە پەیوەندییان بە کۆتای کورسییەکانەوە هەیە، هەروەها گۆڕینی یاسای هەڵبژاردنەکان بۆ فرەبازنەیی، واتە هەموو پارێزگاکانی هەرێم یەک بازنەی هەڵبژاردن نابن بەڵکو هەر پارێزگایەک بازنەیەکی هەڵبژاردنی هەبێت".

روونیشیکردەوە" ئەگەر دادگای فیدراڵی بڕیار بدات بە گۆڕینی یاسای هەڵبژاردنەکانی هەرێم، ئەوا پێدەچێت تەنها بۆ ماوەی یەک بۆ دوو مانگی دیکە دوابخرێت."

رایشیگەیاند" ئەنجامدانی هەڵبژاردنەکانی پەرلەمانی کوردستان دەبێتە هۆی دروستبوونی حکومەتێکی شەرعی خاوەن دەسەڵات، بۆیە هەر ئەم حکومەتە وادەی ئەنجامدانی هەڵبژاردنی ئەنجومەنی پارێزگاکانی هەرێم دیاری دەکات کە لە ساڵی 2014 بۆ دواجار ئەنجامدراوە".