دورخستنەوەی حەلبوسی بومەلەرزەیەكی سیاسی لە عێراق دروستدەكات

13:48 2023-11-15 87413 ڕاپۆرتە ڕۆژنامەوانییەکان 0

2023-11-15

87413

له بریارێکی کتوپڕ دادگای فیدڕاڵی ئەندامێتی لە محەمەد حەلبوسی سەندەوە ،ئەو بریارەش دەبێت هەمووان جێبەجێی بکەن و بەهیچ شێوەیەک جێگای تانە نیە .
رۆژنامەی (الشرق الاوسط) رایگەیاند دادگای فیدڕاڵی ئەندامێتی حەلبوسی لە پەرلەمان و سەرۆكایەتی دەسەڵاتی یاسادان كۆتایی پێهێنا, بەوەش نەخشەی سوننە لە عێراق گێڕایەوە دواوە.
بڕیاڕی دورخستنەوەی حەلبوسی بە كتوپڕ دادەنرێت, وەك بومەلەرزەیەكی سیاسی وایە چی لە ڕووی قەبارەی كاریگەری یان لە ڕووی كاتەكەی.
جێی ئاماژەیە حەلبوسی بە یەكێك لە ژمارە قورسەكانی پرۆسەی سیاسی لە عێراق دادەنرێت, كە لەسەر بنەمای هاوسەنگی پێكهاتەكان دامەزراوە.
حەلبوسی لەكاتێكدا بڕیاڕەكەی دادگای فیدڕاڵی پێگەیشت كە دانیشتنی پەرلەمانی بەڕێوەدەبرد, بۆ تاوتوێكردنی درێژكردنەوەی كاری كۆمیسیۆنی باڵای هەڵبژاردنەكان.
ئەمەش وایکرد حەلبوسی بڕیاربدات دانیشتنەكە بۆ كاتێكی نادیار دوابخات و بە پەرلەمانتارانی وت, دادگای فیدڕاڵی ئەندامێتی كۆتایی پێهێناوم, بڕیارەكەشی بە نامۆ وەسفكردو هەندێك لایەنی تۆمەتباركرد بەبێئەوەی ناویان بهێنێت, بە هەوڵدان بۆ لێكترازاندنی پێكهاتە كۆمەڵایەتیەكان.
وەک رۆژنامەکە ئاماژەی پێ دەکات پێشبینی دەكرێت بڕیارەكە بومەلەرزەیەكی سیاسی لە عێراق دروستبكات, بەوپێیەی شۆكێكی گەورە لەسەر ئاستی هاوسەنگی سیاسی لە عێراق یاخود پێكهاتەكان دروستدەكات, بەتایبەت لە ناوچەكانی خۆرئاوا كە زۆرینەیان سوننە نشینن.