وەزارەتی پلاندانان رێژەی بەكارهێنانی مۆبایل و ئینتەرنێتی عێراقییەكانی دیاریكرد

16:36 2023-10-19 30302 عێراق 0

2023-10-19

30302

ئەمڕۆ پێنجشەممە، وەزارەتی پلاندانان رێژەی بەكارهێنانی مۆبایل و ئینتەرنێتی عێراقییەكانی دیاریكرد.
وتەبێژی وەزارەت عەبدولزەهرە هنداوی لە بەیاننامەیەكدا رایگەیاند: دەزگای سەنتەری ئامار ڕاپرسییەكیلەسەر بەكارهێنانی تەكنەلۆژیای زانیاری و پەیوەندییەكان بۆ خێزان و تاك بۆ ساڵی 2022 ئەنجامدا، وئاماژەی بەوەشدا: لەسەدا 68ی عێراقییەكان كە تەمەنیان لە سەرووی 5 ساڵەوەیە مۆبایل بەكاردەهێنن،و رێژەی بەكارهێنانی تەلەفۆنیش لای رەگەزی نێر دەگاتە لەسەدا 90، لەبەرامبەردا لەسەدا 81 رەگەزیمێن.
ئاشكراشیكرد: ئەنجامی راپرسییەكە دەریخستووە رێژەی ئەو كەسانەی مۆبایل بەكارناهێنن تەنها لەسەدا14 بووە.
رونیشیكردەوە: رێژەی بەكارهێنانی مۆبایل لە پارێزگای بەغداد زۆرترینە و گەیشتووەتە (97%)، دواترپارێزگای نەجەفی ئەشرەف بە ڕێژەی (93.5)، دواتر پارێزگای بەسرە بە ڕێژەی كەمێك كەمترەو دەگاتە(93%)، و پارێزگای كەركوك پلەی چوارەمی بەدەستهێنا بە ڕێژەی (92%)، پارێزگای واست بە ڕێژەی(72%) پلەی پێنجەمی بەدەستهێناوە.
هنداوی ئاماژەی بەوەشكرد: ئەنجامی ڕاپرسییەكە دەریخستووە كە ڕێژەی ئەو كەسانەی تەمەنیان (5)ساڵ و سەرووترە و مۆبایلی زیرەك بەكاردەهێنن گەیشتووەتە (92%)، بە بەراورد لەگەڵ (10%) كەمۆبایلێكی ئاسایی بەكاردەهێنن.
سەبارەت بە بەكارهێنانی ئینتەرنێت، بەپێی ئەنجامی ڕاپرسییەكە، هنداوی ڕایگەیاند: ڕێژەی ئەوكەسانەی ئینتەرنێت بەكاردەهێنن كە تەمەنیان (5) ساڵ و سەرووترە گەیشتووەتە (79%)، بەم شێوەیەدابەشكراوە:
(85%) بۆ نێر و (72%) بۆ مێ.
لەسەر ئاستی پارێزگاكانیش، هنداوی تەئكیدیكردەوە: كە بەغدادی پایتەخت لە پلەی یەكەمدایە لەبەكارهێنانی ئینتەرنێت بە ڕێژەی (96%)، دواتر پارێزگای بەسرە (92.5%)، پارێزگای كەركوك(85%) و نزمترین ڕێژەی سەدی بۆ پارێزگای موسەننایە بووە (62%)، و وتیشی: ئەنجامی ڕاپرسییەكەئاماژە بە زیادبوونی ڕێژەی ئەو خێزانانە دەكات كە لە ماڵەوە هێڵی ئینتەرنێتیان هەیە بۆ (87%). لەسەرئاستی ژینگەیی، دەركەوتووە كە ڕێژەكە لە شارەكاندا گەیشتووەتە (92%) بە بەراورد بە (83%) لەلادێكان.