دوای چەندین ساڵ لە داواکاری یاسایی و زیاتر لە نیو سەدە لە ئۆپراسیۆنی چەکداری و تێکدەرانە کە لە لایەن گرووپە چەکدارە جوداخوازە کوردەکانی ئێرانەوە ئەنجام دراون، دیارترینیان پژاک، حیزبی دیموکراتی کوردستانی ئێران، کۆمەڵە و پاک، دۆسیەی لێپێچینەوە لە سەرکردەکانیان لە ئاستی نێودەوڵەتیدا چووەتە قۆناغێکی نوێ، لە پێشهاتێکدا کە ڕەنگدانەوەی گواستنەوەی ئەو پرسە لە بازنەی داخوازی ناوخۆییەوە بۆ ڕێکاری یاسایی نێودەوڵەتییەوە.
بەگوێرەی چەند سەرچاوەیەک کە قسەیان بۆ ئاژانسی موتەڵع کردووە، هەنگاوی بەدواداچوونی ئەم دۆسیەیە لەسەر ئاستی نێودەوڵەتی لە ئەنجامی زنجیرەیەک داواکاری و سکاڵای یاسایی بووە کە لەلایەن خێزانە عێراقییەکانەوە تۆمارکراون کە بەهۆی ئەو تاوان و هێرشانەی ئەو گرووپە تیرۆریستییانە زیانیان بەرکەوتووە. ئەمەش بووە هۆی ئەوەی دەسەڵاتە دادوەرییە پەیوەندیدارەکان لە ڕێگەی کەناڵە نێودەوڵەتییەکانەوە بەدوای تۆمەتبارەکاندا بگەڕێن، پێش ئەوەی ئینتەرپوڵ ئاگادارییەکی سووری لە دژی کەسانی داواکراو دەربکات لەسەر بنەمای ئەو داوا و ڕێکارە یاساییانە، لە هەنگاوێکدا کە ڕەنگدانەوەی گواستنەوەی داواکارییەکانی خێزانی قوربانییەکانە لە ڕێڕەوی ناوخۆییەوە بۆ دادگاییکردنی نێودەوڵەتی.
بەگوێرەی سەرچاوەکان، ئەم پێشهاتە دوای چەندین ساڵ چاوەڕوانی و داخوازی، هەروەها هەزاران قوربانی کە لە ئەنجامی هێرشی ئەو گرووپانە کەوتنە خوارەوە، ئەمە جگە لە ساڵانێک هاوکاری و کاری بەکرێگیراو بۆ بەرژەوەندی لایەنە دوژمنکارەکانی ئێران،هەمان سەرچاوه ئاماژە بۆ ئەوە دەکەن که ڕەوتی ڕێوشوێنی یاسایی چووەته قۆناغێکی نوێ، ئەمەش دەرئەنجامی ڕاستەوخۆی ئەو شتەیە کە بە "سەرکەوتن لە جەنگی نیشتمانی سێیەم" وەسف کراوە و شکستی ئەو قەوارانەی پشتیوانی ئەو گروپانە دەکەن، کە ڕەنگە دەرگای دادگاییکردنی ئەندام و سەرکردەکانیان بکاتەوە.
دوابەدوای بەردەوامی ڕێوشوێنە یاساییەکان و تۆمارکردنی چەندین سکاڵا لە لایەن قوربانیانی هێرشی گرووپە تیرۆریستییەکانەوە، بڕیاری دادوەری لە دژی ژمارەیەک لە سەرکردە و ئەندامانی گرووپەکانی پژاک، حیزبی دیموکراتی کوردستانی ئێران، کۆمەڵە و پاک دەرکرا، جگە لە دەرکردنی ئاگادارییە سوورەکانی ئینتەرپۆل و هەروەها پێشکەشکردنی داواکاری فەرمی بۆ ڕادەستکردنەوەیان.
بەپێی ئەو بەڵگەنامانەی کە لەبەردەستدان، ئەو ڕێکارانە بەشێک بوون لە دۆسیە یاساییەکانی پەیوەست بە تۆمەتی تیرۆر، بە ئامانجی لێپێچینەوە لە تۆمەتبارەکان بە شێوەیەکی تاوانکاری لەسەر ئاستی نێودەوڵەتی، هەروەها داواکاری ڕادەستکردنەوەیان بۆ حکومەتی عێراق و ژمارەیەک وڵاتی ئەوروپی نێردراوە.
پارێزەری قوربانیانی ئەو ئۆپەراسیۆنانە لە بەیاننامەیەکی ڕۆژنامەوانیدا پشتڕاستی کردەوە کە داواکاری لێپێچینەوە لە دژی ژمارەیەک لە سەرکردەکانی ئەو گرووپانە دەرچووە و ئاماژەی بەوەدا کە ژمارەیەکیان لە دەرەوەی ئێران نیشتەجێن.
لیستی داواکراوان سەرکردە دیارەکانی تاقمە تیرۆریستییەکان لەخۆدەگرێت، لەوانە: حوسێن یەزدان پەنا، سیامەند موعینی، ئەمیر کەریمی، عەبدوڵڵا موهتەدی، و مستەفا هیجری. هەروەها لیستەکە بریتین لە: عەبدولغەفوور شەریفی (رێباز شەریفی)، خەلیل نادری، ئەمیر سەحرایی (سەیوان)، کەیوان قادری (هیوا ئارغش)، سۆران عەبدی (ئازاد ئۆراز)، ئیقبال ئەدوائی (هەواڵ ئارغش)، محەمەد سەعید عەبدی (قازی ئاوارە)، عەلی نوروزی (ریبوار ئابدانان)، سۆران ڕەسووڵ پوور (فواد بریتان)، حوسێن عەزیمی کۆرداک (هیوا جەوانرود)، خوداداد مورتەزایی (ئاهۆن چیاکۆ)، سەیاد خامۆزادە (باران بریتان)، مادح ڕاست خدیوی (مەروان سەقزی)، مستەفا نەغشی، عوسمان تارم (ئامەد شاهۆ)، ئەفراسیاب جەلیلیان (مەزلوم حەفتان)، خەیال تاڵح جانکانلو (پێمان وایان)، فاروق بابامیری، عەبدوڵڵا ئازەربەر (عەبە سور)، سیامەک مودەڕەسی (ئەبوبەکر)، ساڵح شەریفی، مستەفا مەولوودی، و حەسەن شەرەفی (زانیار)، خالید عەزیزی، کەمال قوبادی، ئارش ساڵح، تیمور ئەلیاسی، مەولود سوارە، سەید عەبدولقاسم حوسێنی (شاهۆ حوسێنی)، ئەحمەد مورادی، جیلا مۆستاجەر، و تاهر مەحمودی، کە بڕیاری دادوەری و ئاگاداری سووری ئینتەرپۆلیشیان لە دژ دەرچووە، جگە لە داواکاری فەرمی بۆ ڕادەستکردنەوەیان.