وەزارەتی دەرەوە جەخت لە هەڵوێستی عێراق بۆ پاراستنی ئاسایش و سەقامگیری یەمەن دەکاتەوە

23:12 2026-01-02 40240 عێراق 0

2026-01-02

40240

وەزارەتی دەرەوە، ئەمڕۆ هەینی، جەختی لە هەڵوێستی نەگۆڕی کۆماری عێراق کردەوە کە بانگەواز دەکات بۆ پاراستنی ئاسایش و سەقامگیری یەمەن.
وەزارەتی دەرەوە لە ڕاگەیەندراوێکدا کە ده‌ستی ئاژانسی هەواڵی موتەڵع كه‌وتووه‌ تێیدا، ئاماژەی بەوە کردووە: "وەزارەتی دەرەوە بە بایەخێکی زۆرەوە بەدواداچوون بۆ پێشهاتە سیاسی و ئەمنییە بەردەوامەکانی کۆماری یەمەنی برا دەکات"، هەروەها جەختی کردەوە لەسەر "هەڵوێستی نەگۆڕی کۆماری عێراق بۆ پاراستنی ئاسایش و سەقامگیری یەمەن، بەو شێوەیەی کە لەگەڵ تطلعاتی گەلی برا بۆ ژیان لە ئاشتییدا دەگونجێت."
وەزارەتی ده‌ره‌وه‌ هیواشی خواست کە "هەوڵە هەرێمی و نێودەوڵەتییەکان هاوکار بن لە پاڵپشتیکردنی ڕێڕەوی سەقامگیری لە یەمەن، بە جۆرێک کە دەرفەتەکانی هێورکردنەوە بەهێزتر بکات و کەشوهەوای گونجاو بۆ گەیشتن بە چارەسەری بەردەوام بڕەخسێنێت."
هەروەها وەزارەتی دەرەوە ستایشی ئەو هەوڵانەی کرد کە ئامانجیان چەسپاندنی ئاشتییە، و جەختی لە پێویستی پاراستنی بەرژەوەندییەکانی گەلی یەمەنی برا و پاڵپشتیکردنی هەموو ئەو هەنگاوانە کردەوە کە دەبنە هۆی بەهێزکردنی سەقامگیری و گەشەپێدان.
لە کۆتاییدا وەزارەتی ده‌ره‌وه‌ جەختی لە گرنگی بەردەوامبوونی دیالۆگی بونیادنەر لە نێوان لایەنە جیاوازەکانی یەمەندا کردەوە، وەک باشترین ڕێگە بۆ گەیشتن بە چارەسەری ئاشتییانەی گشتگیر کە هاوکار بێت لە کەمکردنەوەی مەینەتییەکانی گەلی یەمەن.