وەزارەتی دەرەوە پێشوازی لە بڕیاری سویسرا بۆ هەڵگرتنی قەدەغەی گەشتکردن لەسەر ژمارەیەک شاری عێراقی دەکات

20:59 2025-12-16 18008 عێراق 0

2025-12-16

18008

وەزارەتی دەرەوە، ئەمڕۆ سێشەممە، پێشوازی لە بڕیاری سویسرا کرد بۆ هەڵگرتنی قەدەغەی گەشتکردن لەسەر ژمارەیەک شاری عێراقی.
لە راگه‌یندراوێكدا کە وەزارەتی دەرەوە بۆ ئاژانسی هەواڵی موتەڵع ، هاتووە: "وەزارەتی دەرەوە پێشوازی لە بڕیاری حکومەتی سویسرا دەکات بۆ هەڵگرتنی قەدەغەی گەشتکردن لەسەر ژمارەیەک شاری عێراقی، کە وەک هەنگاوێکی یەکەم، هەریەک لە بەغدا، بەسڕە، نەجەفی ئەشرەف، بابل، کەربەلای پیرۆز، جگە لە هەرێمی کوردستان، گرتەوە، ئەمەش وەک ئەنجامی هەوڵە دیپلۆماسییە بەردەوامەکانی وەزارەتی دەرەوەی کۆماری عێراق، و بە هەماهەنگی بەردەوام لەگەڵ وەزارەتی دەرەوەی سویسرا و لایەنە پەیوەندیدارەکان".
بەپێی راگه‌یندراوه‌كه‌ - وەزارەتی دەرەوە جەختی کردەوە کە "ئەم بڕیارە ڕەنگدانەوەی زیادبوونی متمانەی نێودەوڵەتییە بە دۆخی ئەمنی و سەقامگیریی شارەکانی عێراق، و بە هەنگاوێکی ئەرێنی دادەندرێت کە یارمەتیدەرە لە بەهێزکردنی پەیوەندییە دوولایەنەکان لەنێوان کۆماری عێراق و یەکێتی سویسرا، و فراوانکردنی ئاسۆی هاوکاریی هاوبەش لە بوارە جیاجیاکاندا".
له‌ راگه‌یندراوه‌كه‌یوەزارەتی دەرەوە ئه‌وه‌یش هاتووه‌ كه‌ ستایشی هاوکارییە بنیاتنەرەکانی لایەنی سویسری کرد، و جەختی لەسەر پەرۆشی خۆی کردەوە بۆ بەردەوامیدان بە کاری دیپلۆماسی بە جۆرێک کە خزمەت بە بەرژەوەندییە هاوبەشەکان بکات و وێنەی ئەرێنی عێراق لە گۆڕەپانی نێودەوڵەتیدا بەهێز بکاتەوە.