وەزارەتی ناوخۆ سەرکەوتنی پلانی ئەمنی بۆ دەستەبەرکردنی هەڵبژاردن رادەگەیەنێت

21:02 2025-11-11 53421 عێراق 0

2025-11-11

53421

ئەمڕۆ سێشەممە، عەبدولئەمیر شەمەری وەزیری ناوخۆ، سەركەوتنی پلانی ئەمنیی تایبەت بە هەڵبژاردنی پەرلەمانی 2025ی راگەیاند.
وەزارەتەكە لە بەیاننامەیەكدا كە دەستی موتەڵع کەوتووە، دەڵێت: وەزیری ناوخۆ عەبدولئەمیر شەمەری بەرزترین و واتادارترین سوپاس و پێزانین و شانازی ئاراستەی سەرجەم پێكهاتەكانی وەزارەت لە بەغدا و سەرجەم پارێزگاكان دەكات، ئەمەش وەك پێزانینێك بۆ ئەو هەوڵە نائاسایی و پرۆفیشناڵانەی كە پێشكەشتان كرد لە جێبەجێكردنی پلانی دەستەبەركردی هەڵبژاردنەكان، كە بە سەركەوتنێكی گەورە كۆتایی هات تائێستا و لایەنە چاودێر و راگەیاندنەكان لەسەر ئاستی ناوخۆیی و نێودەوڵەتی ستایشیان كردووە، و داواتان لێدەكەم بە هەمان هەوڵەوە بەردەوام بن تا كۆتاییهاتنی كۆمیسیۆن لە سەرجەم وردەكارییەكانی پرۆسەی هەڵبژاردن.
شەمەری راشیگەیاند: پیاوانی وەزارەتی ناوخۆ جارێكی تر سەلماندیان كە ئەوان ناونیشانی دیاری ئاسایش و رێكخستن و ئامادەیین، و ئێوە ئەو پشتگیرییەن كە پاشەكشە ناكات، و ئەو قەڵغانەن كە ناشكێت كاتێك ئەرك ئامادەیی و بوێری داوا دەكات.
وتیشی: ئەم سەركەوتنە بەدی نەدەهات ئەگەر كاری بەردەوام و هاوئاهەنگیی بەرز و رۆحی یەك تیم نەبوایە كە ئێوە پەیڕەوتان كرد لە هەموو جومگەیەكی ئەمنی، و لە هەموو شەقامێك، و بنكەیەكی پۆلیس، و دەورییەیەك، و خاڵێكی پشكنین، و ژوورێكی ئۆپەراسیۆن.
ئاماژەی بەوەشدا: وەزارەتی ناوخۆ دووپاتی دەكاتەوە كە ئەم سەركەوتنە بە ناوی هەمووانەوە تۆمار دەكرێت، پیاوانی ئەمنی دڵسۆز، و گەلی هۆشیار، و نیشتمانێك كە هەمیشە شایستەی باشترینە.