خه‌نجه‌ر داوای به‌شدارییه‌كی به‌رفراوان ده‌كات بۆ دیاریكردنی داهاتووی حكوومه‌تی داهاتوو

11:04 2025-11-11 30864 عێراق 0

2025-11-11

30864

سه‌رۆكی هاوپه‌یمانیی سه‌روه‌ری، خه‌میس خه‌نجه‌ر، ئه‌مڕۆ سێشه‌ممه‌، داوای له‌ هاووڵاتییان كرد كه‌ به‌شداری بكه‌ن بۆ دیاریكردنی چاره‌نووسی عێراق له‌ ماوه‌ی داهاتوودا.
سه‌رۆكی هاوپه‌یمانیی سه‌روه‌ری، خه‌میس خه‌نجه‌ر، ڕایگه‌یاند: "پیرۆزبایی ئه‌م جه‌ژنه‌ هه‌ڵبژاردنه‌ له‌ گه‌لی عێراق ده‌كه‌ین، و داوا له‌ هه‌موو عێراقییه‌كان ده‌كه‌ین به‌شدارییه‌كی به‌رفراوان له‌ هه‌ڵبژاردنه‌كاندا بكه‌ن، چونكه‌ ئه‌م هه‌ڵبژاردنانه‌ چاره‌نووسی عێراق له‌ ماوه‌ی داهاتوودا دیاری ده‌كه‌ن، به‌تایبه‌تی له‌ سایه‌ی گۆڕانكارییه‌ هه‌رێمی و نێوده‌وڵه‌تییه‌كاندا."
وتیشی: "ئه‌م هه‌ڵبژاردنانه‌ لەرێگەی به‌شداریكردنی عێراقییه‌كانه‌وه‌ له‌ چوارچێوه‌ی عه‌ره‌بی و ئیسلامی و نێوده‌وڵه‌تیدا كاریگه‌رن، و ده‌ستپێكێكی به‌هێزن به‌ره‌و گۆڕانكاری،" هیوای خواست كه‌ "كاره‌كان به‌ شێوه‌یه‌كی زۆر ڕه‌وان به‌ڕێوه‌ بچن."
ئاماژه‌ی به‌وه‌شدا كه‌ "له‌ سایه‌ی ئه‌نجامه‌كانی هه‌ڵبژاردنه‌وه‌، لێكتێگه‌یشتن بۆ پێكهێنانی په‌رله‌مانی نوێ ده‌بێت، و به‌ شێوه‌یه‌كی كرداری له‌نێوان هه‌موو لایه‌نه‌ سیاسییه‌ شیعه‌ و سوننه‌ و كوردییه‌كان ده‌ستی پێكردووه‌ و هیوادارین كاره‌كان به‌ خێرایی و بێ كێشه‌ به‌ڕێوه‌ بچن."
ڕوونیشی كرده‌وه‌ كه‌ "ئه‌وه‌ی ئه‌م هه‌ڵبژاردنانه‌ جیاده‌كاته‌وه‌، بوونی هێزانێكه‌ كه‌ باوه‌ڕیان به‌ ده‌وڵه‌ت و دامه‌زراوه‌كانی هه‌یه‌."