محەمەد شیاع سودانی سەرۆک وەزیران سەرپەرشتی کۆبوونەوەیەک دەکات سەبارەت بە چالاککردنی سیستەمی وەبەرهێنان، بەرەوپێشبردنی گەشەپێدان، و دامەزراندنی هێزی کار.
نوسینگەی ڕاگەیاندنی سەرۆک وەزیران لەڕاگەیەندراوێکدا کەدەستی موتەڵع کەوتووە بڵاویکردەوە،ئەمڕۆ یەکشەممە، سەرۆک وەزیران، محەمەد شیاع سودانی سەرۆکایەتی کۆبوونەوەیەکی فراوانکراوی کرد، کە تایبەتە بە گفتوگۆکردن لەسەر میکانیزمەکانی کاراکردنی یاسای وەبەرهێنان ژمارە (٢ی ساڵی ٢٠٠٩)، و بەکارخستنی بۆ پتەوکردنی گەشەپێدان و دامەزراندنی هێزی کاری نیشتمانی، بە ئامادەبوونی سەرۆکی دەستەی وەبەرهێنانی نیشتمانی، نوێنەرانی لایەنە پەیوەندیدارەکان لە وەزارەت و دەزگاکان، و کۆمەڵەی بانکە تایبەتەکانی عێراق.
لە میانی دیدارەکەدا سودانی دووپاتی کردەوە کە حکومەت بەردەوامە لە جێبەجێکردنی دیدگایەکی ڕوون بە ئامانجی ڕێکخستنی بازاڕی کار و فراوانکردنی چەتری پاراستنی کۆمەڵایەتی و بەرزکردنەوەی متمانە بە ئابووری نیشتمانی و گۆڕینی وەبەرهێنان بۆ بزوێنەرێکی کارا بۆ دامەزراندنی گەنجان و شایستەکردنی گەنجان و دەستەبەرکردنی مافەکانیان. ئەمەش بەشدار دەبێت لە کەمکردنەوەی ڕێژەی بێکاری و دروستکردنی هەلی کاری ڕاستەقینە و بەردەوام لەناو پڕۆژەکانی وەبەرهێنان لە ڕێگەی هاوبەشییەکی یەکگرتوو لە نێوان حکومەت و کەرتی تایبەت و پشتیوانیکردنی دامەزراوە نێودەوڵەتییەکان.

لەدرێژەی بەیاننامەکە دا هاتووە : هەر لە میانی کۆبوونەوەکەدا ژمارەیەک ڕاسپاردە بۆ جێبەجێکردن پەسەند کران کە دیارترینیان بریتی بوون لە:

*دەستپێکردنی (دەستپێشخەری وەبەرهێنان و دامەزراوەی نیشتمانی)بە سەرپەرشتی سەرۆک وەزیران، بۆ ئەوەی ببێتە چوارچێوەیەکی گشتگیر بۆ هەموو هەوڵەکان کە ئامانجیان بەهێزکردنی دامەزراوەی نیشتمانییە لەناو پڕۆژە وەبەرهێنانەکاندا، و بەشداریکردن لە کەمکردنەوەی ڕێژەی بێکاری.

*پێکهێنانی لیژنەیەکی باڵا بە سەرۆکایەتی نووسینگەی سەرۆک وەزیران، و ئەندامێتی لایەنە پەیوەندیدارەکان، بۆ بەدواداچوونی جێبەجێکردنی برگەکانی وەبەرهێنان و چاودێریکردنی ڕێژەکانی دامەزراندنی نیشتمانی، بەجۆرێک کە دامەزراندنی گەنجان بە ڕێژەیەکی گرنگ لە سێکتەرە وەبەرهێنانە جیاوازەکاندا مسۆگەر بکات، و وەبەرهێنەران پابەند بکات بە میکانیزمە ڕوونەکان بۆ بەهێزکردنی بەشداریکردنی شارەزایانی نیشتمانی لە بازاڕی کاردا.

*پەسەندکردنی پلاتفۆرمێکی ئەلیکترۆنی یەکگرتوو کە دەستەی نیشتمانی وەبەرهێنان، و وەزارەتەکانی کار و کاروباری کۆمەڵایەتی و تەندروستی، و بانکی ناوەندی عێراق بەیەکەوە دەبەستێتەوە، بۆ تۆمارکردنی زانیاری کارمەندانی پڕۆژە وەبەرهێنانەکان، و بەستنەوەیان بە دڵنیایی کۆمەڵایەتی و تەندروستییەوە.

*فراوانکردنی بواری خۆجێکردنی مووچەکان بۆ هەموو کارمەندانی کەرتی تایبەت لەناو سیستەمی بانکی نیشتمانیدا، بە سەرپەرشتی بانکی ناوەندی و کۆمەڵەی بانکە تایبەتەکان.

*پێدانی هاندان و ئیمتیازات بەو پڕۆژانەی کە پابەندن بە دامەزراندنی عێراقییەکان و خۆجێکردنی مووچەکانیان، و پێدانی بڕوانامەی پڕۆژەی نیشتمانی بەرپرسیار لە ڕووی کۆمەڵایەتییەوە بە سەرپەرشتی سەرۆک وەزیران، لەگەڵ پێدانی هاندان بە کارمەندانی کەرتی تایبەت، هاوشێوەی کارمەندانی کەرتی حکومی،بەجۆرێک کە دادپەروەری کار بەهێز بکات و هانی بەشداریکردن لە بازاڕی کاری نیشتمانیدا بدات.

* دەستپێکردنی پڕۆژەیەکی نیشتمانی بۆ ڕاهێنانی پیشەیی و تەکنیکی،بە هاوکاری لەگەڵ دەستەی نیشتمانی وەبەرهێنان و وەزارەتەکانی کار و کاروباری کۆمەڵایەتی، و خوێندنی باڵا و توێژینەوەی زانستی،و بە پشتگیری دامەزراوە نێودەوڵەتییەکان، بە ئامانجی شایستەکردنی کادیرانی عێراقی بەپێی نوێترین ستاندارد و پێوەرە نێودەوڵەتییەکان، و بەجۆرێک کە توانایان پێبدات بۆ چوونە ناو بازاڕی کار بە توانایەکی بەرزەوە، و دابینکردنی پێداویستییەکانی پڕۆژە وەبەرهێنانەکان لە شارەزاییە نیشتمانییە