سەرۆکی دەستەی کۆمیسیاران لەگەڵ بەرپرسانی نەتەوە یەکگرتووەکان کۆدەبێتەوە بۆ پشتیوانیکردن لە پرۆسەی هەڵبژاردن

22:59 2025-10-17 33243 عێراق 0

2025-10-17

33243

ئەمڕۆ هەینی، سەرۆکی دەستەی کۆمسیاران، عومەر ئەحمەد محەمەد، لەگەڵ جێگری نوێنەری تایبەتی سکرتێری گشتی بۆ کاروباری سیاسی نەتەوە یەکگرتووەکان لە عێراق، کلۆدیۆ کۆردۆن، پشتیوانی نەتەوە یەکگرتووەکان بۆ پرۆسەی هەڵبژاردن تاوتوێ کرد.
ئەنجومەنەکە لە بەیاننامەیەکدا کە دەستی موتەڵع کەوتووە ڕایگەیاندووە، "سەرۆکی دەستەی کۆمسیاران، عومەر ئەحمەد محەمەد، لەگەڵ جێگری نوێنەری تایبەتی سکرتێری گشتی بۆ کاروباری سیاسی نەتەوە یەکگرتووەکان لە عێراق، کلۆدیۆ کۆردۆن، و ڕاوێژکاری باڵای هەڵبژاردنەکان، ئەمیر ئاراین، لە ئۆفیسی نیشتمانی لە بەغدا کۆبووەوە".
ئاماژەی بەوەشکرد، "سەرۆکی ئەنجومەن بەخێرهاتنی میوانانی کرد، سوپاسی کردن بۆ گرنگیدانێکی زۆریان بە کارەکانی کۆمسیۆن و پاڵپشتی بێسنووریان بۆ ستافەکەی، شارەزایی پێویستیان بۆ دابینکردوون بۆ تەواوکردنی کارەکانیان بە تەواوی. هاوکات پێداچوونەوەی بە قۆناغەکانی کارەکانی کۆمسیۆنی هەڵبژاردنەکان و ئامادەکارییەکانی کرد بۆ چالاکییە گەورەکەی هەڵبژاردن لە مانگی تشرینی دووەمی ئەمساڵدا".
لای خۆیەوە، کۆردۆن دووپاتی کردەوە، بەپێی بەیاننامەکە، "فەرمانگەی هاوکاری نێودەوڵەتی بۆ هەڵبژاردنەکان پابەندە بە پێشکەشکردنی پاڵپشتییەکی پێویست بۆ دڵنیابوون لە سەرکەوتنی هەڵبژاردنەکانی داهاتووی پەرلەمانی عێراق لە وادەی خۆیدا. نوێنەرایەتی نەتەوە یەکگرتووەکان لە نزیکەوە چاودێری کارەکانی کۆمسیۆن دەکات و متمانەی تەواوی بە کارەکانی ئێوە هەیە، بە لەبەرچاوگرتنی ئەزموونی کەڵەکەبووی ستافی کۆمسیۆن".
جێگای سەرنجە دەستەی کۆمسیاران بەردەوامە لە پێشوازیکردنی شاندی فەرمی و ڕێکخراوە نێودەوڵەتی و ناوخۆییەکان، ئەمەش لە چوارچێوەی ئامادەکارییەکان بۆ هەڵبژاردنی داهاتووی پەرلەمانی عێراق.