سودانی: عێراق هەموو هەنگاوێكی پێویست لە بەرژەوەندی نیشتمانی خۆیدا دەنێت

19:04 2025-08-30 40729 عێراق 0

2025-08-30

40729

ئەمڕۆ شەممە،محەمەد شیاع سودانی سەرۆكی ئەنجومەنی وەزیران بۆ ئیمانوێل ماكرۆن سەرۆك كۆماری فەرەنسا دڵنیاكردەوە كە عێراق هەموو هەنگاوێكی پێویست لە بەرژەوەندی نیشتمانی خۆیدا دەنێت.
‏
‏نوسینگەی راگەیاندنی سەرۆک وەزیران لە بەیاننامەیەکدا بڵاویکردەوە:-"سەرۆکی ئەنجومەنی وەزیران محەمەد شەیاع سودانی،ئەمڕۆ شەممە، پەیوەندییەکی تەلەفۆنی لە سەرۆکی فەرەنسا"ـەوە ئیمانوێل ماکرۆن پێگەیشت و تێیدا پەیوەندییە دووقۆڵییەکانی نێوان هەردوو وڵاتی دۆست و ڕێگاکانی بەرزکردنەوەی هاوبەشی و هاوکاری لە بوارە جیاجیاکاندا تاوتوێ کران، جگە لە تاوتوێ کردنی پرسە ناوچەیی و نێودەوڵەتییە هاوبەشەکان.
‏
‏بەگوێرەی بەیاننامەکە سودانی ئاماژەی بە هەوڵەکانی حکومەت کرد سەبارەت بە بانگهێشتی کۆنفرانسی ناوچەیی لە بەغداد بۆ تاوتوێکردنی پرسە ناوچەییەکان، و جەختی لە گرنگی سەردانە چاوەڕوان کراوەکەی ماکرۆن بۆ بەغداد کردەوە، هەروەها پێزانینی عێراقی بۆ هەڵوێستی پرەنسیپی فەرەنسا سەبارەت بە پرسی فەڵەستین نوێ کردەوە و جەختی لەوە کردەوە کە ئەو پێشێلکارییانەی لە ناوچەکانی فەڵەستین ئەنجامدراون، نوێنەرایەتی پێشینەیەکی مەترسیدار دەکات، و بارودۆخی نێودەوڵەتی زیاتر ئاڵۆزتر دەکات و سیستەمی جیهانی ئێستا ڕووبەڕووی ئاستەنگییەکی ڕاستەقینە دەکاتەوە.
‏
‏ سەرۆکی ئەنجومەنی وەزیران جەختی لەوە کردەوە کە عێراق گرنگی بە گەشەپێدانی ئابووری دەدات، بە لەبەرچاوگرتنی ڕۆڵی بنیاتنەری لە ناوچەکەدا و هۆشداری دا لە مەترسییەکانی هەڵگیرسانی شەڕێکی نوێ کە هەڕەشە لە ئاسایش و سەقامگیری ناوچەکە بکات، و جەختی لە ئامادەیی عێراق کردەوە بۆ کارکردن لەگەڵ فەرەنسا و هاوبەشەکانی دیکە لەوانەش کۆماری ئیسلامی ئێران و ویلایەت یەکگرتووەکانی ئەمریکا، بۆ ئەوەی نەخلیسکێتە ناو ڕووبەڕووبوونەوەیەکی نوێ و عێراق هەنگاوی پێویست لە بەرژەوەندیی نیشتمانیی خۆی دەگرێتەبەر، بۆ خزمەتکردنی ئامانجی ڕێگری کردن لە شەڕ لە ڕێگەی وتوێژەوە لەسەر بنەمای یاسا نێودەوڵەتییەکان.
‏
‏لە لای خۆیەوە سەرۆک ماکرۆن ئاستی ئاسایش و سەقامگیری عێراق و هەوڵەکانی حکومەت بۆ پاراستنی سەقامگیری وڵاتەکەی بەرز نرخاند، جەختی لە شانازیی فەرەنسا بە پەیوەندیە قووڵە ستراتیژییەکانی نێوان هەردوو وڵات کردەوە و خواستی بەردەوامبوون لە پاڵپشتیکردنی عێراق، هەروەها تاوتوێی سەردانە پلان بۆ داڕێژراوەکەی بۆ بەغدا کرا و هیوای خۆی دەربڕی کە سەردانەکە بگاتە ئامانجە پراکتیکییەکانی خۆی.