نه‌ته‌نیاهۆ پلانی خۆی بۆ "كۆنتڕۆڵكردنی غه‌ززه‌" کۆتایهێنان بەشەڕ ئاشکرا دەکات ‏

23:57 2025-08-14 43881 عەرەبی و نێودەوڵەتی 0

2025-08-14

43881

بنیامین نه‌ته‌نیاهۆ سه‌رۆك وه‌زیرانی ئیسرائیل ئه‌مڕۆ پێنجشه‌ممه‌، پلانی خۆی بۆ كۆتاییهێنان به‌ شه‌ڕی غه‌ززه‌ لادا و رایگه‌یاند، ئه‌و پلانه‌ له‌سه‌ر پێنج بنه‌ما دامه‌زراوه‌.
‏
‏بنیامین نه‌ته‌نیاهۆ له‌په‌یامێكدا رایگه‌یاند، "هه‌فته‌یه‌ك له‌مه‌وبه‌ر له‌گه‌ڵ حكومه‌ت كۆبومه‌وه‌، پێنج بنه‌مامان بۆ كۆتاییهێنان به‌ شه‌ڕه‌كه‌ دیاریكرد، چه‌كداماڵینی حه‌ماس، گه‌ڕاندنه‌وه‌ی هه‌مو بارمته‌كان به‌ زیندوی و مردو، چه‌كداماڵین له‌ كه‌رتی غه‌ززه‌ ته‌نیا به‌ مانای داماڵینی چه‌ك له‌ حه‌ماس نییه‌، به‌ڵكو دڵنیابون له‌وه‌ی چه‌ك له‌ كه‌رتی غه‌ززه‌ دروست نه‌كرێت یان به‌ قاچاخ نه‌برێته‌ غه‌ززه‌وه‌".
‏
‏سه‌باره‌ت به‌ حكومه‌تی جێگره‌وه‌، نه‌ته‌نیاهۆ وتی، "حكومه‌تێكی مه‌ده‌نی به‌دیل، نه‌ حه‌ماس و نه‌ ده‌سه‌ڵاتی فه‌ڵه‌ستین له‌خۆده‌گرێت كه‌سانێك كه‌ منداڵه‌كانیان په‌روه‌رده‌ ناكه‌ن بۆ ئه‌وه‌ی تیرۆریست بن، پاره‌ی تیرۆر ناده‌ن، هه‌روه‌ها تیرۆریست نانێرن".
‏
‏باسی له‌وه‌شكردوه‌، "ئه‌م پێنج بنه‌مایه‌ گه‌ره‌نتی ئاسایشی ئیسرائیل ده‌كه‌ن، ئه‌مه‌ مانای وشه‌ی سه‌ركه‌وتنه‌، ئه‌مه‌یه‌ ئه‌و هه‌نگاوه‌یه‌ كه‌ ئێمه‌ كار بۆ ده‌كه‌ین و پێمانباشه‌ بۆ هه‌موان لێی تێبگه‌ن".
‏
‏پێشتریش ڕۆژی پێنجشه‌ممه‌، دو به‌رپرسی ئیسرائیلی به‌ ئاژانسی ڕۆیته‌رزیان ڕاگه‌یاندبو، ده‌یڤید بارنیا سه‌رۆكی مۆساد سه‌ردانی قه‌ته‌ری كردوه‌ بۆ ده‌ستپێكردنه‌وه‌ی دانوستانه‌كانی ئاگربه‌ست له‌ كه‌رتی غه‌ززه‌.
‏