غەززە... کوژرانی 84 كه‌س بەهێرشی سوپای ئیسرائیلی

23:22 2025-06-19 77201 عەرەبی و نێودەوڵەتی 0

2025-06-19

77201

ئه‌مڕۆ پێنجشه‌ممه‌ ،وەزارەتی تەندروستی لەکەرتی غەززە ڕایانگه‌یاند له‌ئه‌نجامی هێرشه‌كانی ئیسرائیل 84 كه‌س كوژراون .
‏
‏وه‌زاره‌تی ته‌ندروستی له‌ له‌ڕاگه‌یه‌ندراوێكدا بڵاویكردۆته‌وه‌، "ژماره‌ی كوژراوانی ده‌ستدرێژیی به‌رده‌وامی ئیسرائیل بۆ سه‌ر كه‌رتی غه‌ززه‌ له‌ 7ی تشرینی یه‌كه‌می 2023ه‌وه‌ تا ئه‌مڕۆ بۆ 55 هه‌زار و 706 كوژراو، 130 هه‌زار و 101 بریندار به‌رزبوه‌ته‌وه‌، هاوكات ته‌رمی ژماره‌یه‌ك له‌ قوربانییه‌كان له‌ ژێر داروپه‌ردو و له‌ شه‌قامه‌كاندا ماونه‌ته‌وه‌ و تیمه‌ پزیشكییه‌كانیش ناتوانن فریایان بكه‌ون".
‏
‏
‏باسی له‌وه‌شكردوه‌، "ژماره‌ی كوژراوان له‌دوای ده‌ستپێكردنه‌وه‌ی ده‌ستدرێژیی ئیسرائیلی له‌ 18ی ئازاری ئه‌مساڵه‌وه‌ تا ئه‌مڕۆ گه‌یشتوه‌ته‌ پێنج هه‌زار و 401 كه‌س، له‌گه‌ڵ 18 هه‌زار و 60 بریندار، هاوكات هێزه‌كانی ئیسرائیل به‌رده‌وامن له‌ كردنه‌ ئامانجی ناوچه‌ی نیشته‌جێبون و په‌ناگه‌ و خێمه‌ی ئاواره‌كان، ئه‌مه‌ش كاره‌ساتی مرۆیی له‌ كه‌رتی غه‌ززه‌ زیاتر كردوه‌".
‏
‏باسی له‌وه‌شكردوه‌، "هێزه‌كانی ئیسرائیل به‌رده‌وامن له‌ به‌ئامانجگرتنی هاوڵاتیانی مه‌ده‌نی فه‌ڵه‌ستینی له‌كاتێكدا هه‌وڵی وه‌رگرتنی یارمه‌تی ده‌ده‌ن، ئه‌مه‌ش ڕوداوێكی ڕۆژانه‌یه‌ له‌ خاڵه‌كانی دابه‌شكردنی خۆراك و ئاودا، فڕۆكه‌ و قه‌ناس به‌ده‌سته‌كانی ئیسرائیل له‌بری ده‌سته‌به‌ركردنی ڕێگاكانی فریاگوزاری، به‌ ئه‌نقه‌ست ته‌قه‌ له‌ ئاواره‌كان ده‌كه‌ن و ده‌یانكوژن و برینداریان ده‌كه‌ن، ئه‌مه‌ش پێشێلكردنی ئاشكرایه‌ بۆ هه‌مو بنه‌ما و یاسا نێوده‌وڵه‌تییه‌كان".