سودانی جەخت لەسەر پێویستی دۆزینەوەی چارەسەری ڕیشەیی سەبارەت بە پابەندبوونە داراییەکانی کوردستان دەکاتەوە

14:14 2025-06-03 60105 عێراق 0

2025-06-03

60105

سەرۆکی ئەنجومەنی وەزیران محەمەد شیاع سودانی لەمیانی پێشوازیکردنی لە شاندێکی فراکسیۆنی یەکگرتووی ئیسلامی کوردستان جەختیکردەوە لەسەر پێویستی دانانی چارەسەری ڕیشەیی، لە چوارچێوەی دەستوور و یاسادا، سەبارەت بە پابەندبوونە داراییەکانی حکوومەتی هەرێمی کوردستانی عێراق، بە پشتبەستن بە بڕگەکانی یاسای بودجە و بڕیاری دادگای فیدراڵی.
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەدەستی موتەڵع کەوتووه بڵاویکردەوە"سەرۆکی ئەنجومەنی وەزیران محەمەد شەیاع سودانی، ئەمڕۆ سێشەممە، پێشوازی کرد لە شاندێکی فراکسیۆنی یەکگرتووی ئیسلامی کوردستان لە پەرلەمان و تاوتوێی کۆمەڵێک پرسی نیشتمانی و بەڕێوەچوونی جێبەجێکردنی بەرنامە خزمەتگوزاری و ئابوورییەکان لەلایەن حکومەتەوە کرا.

وتیشی لە میانی دیدارەکەدا سەرۆکی ئەنجومەنی وەزیران جەختی لەسەر پابەندبوونی حکومەت کردەوە، بۆ جێبەجێکردنی خواستەکانی هاووڵاتیان و چاودێریکردنی کاروبارەکانیان لە سەرتاسەری عێراقدا، لەسەر بنەمای بەرپرسیارێتییە یاسایی و دەستوورییەکان و ئەولەویەت و پێداویستییەکانی هاووڵاتیان.

هەروەها جەخت کرایەوە لەسەر پێویستی دانانی چارەسەری ڕیشەیی، لە چوارچێوەی دەستوور و یاسادا، سەبارەت بە پابەندبوونە داراییەکانی حکوومەتی هەرێمی کوردستانی عێراق، بە پشتبەستن بە بڕگەکانی یاسای بودجە و بڕیاری دادگای فیدراڵی، هەروەها جەخت کرایەوە لەسەر گرنگی پەسەندکردنی یاسای نەوت و گاز.

لە لای خۆیانەوە ئەندامانی فراکسیۆنی یەکگرتووی ئیسلامی کوردستان لە پەرلەمان ئاماژەیان بە گرنگی پتەوکردنی ئەو سەقامگیرییە ئەمنی و کۆمەڵایەتییە کرد کە بەدەست هاتووە، لەگەڵ بووژانەوەی هەمەلایەنەی ئابووری و شارستانی و هەوڵەکانی حکومەت لە دۆسییەکانی خزمەتگوزاری و چاکسازیدا و کاریگەرییە ئەرێنییەکانیان لەسەر ژیانی هاوڵاتیان لە سەرانسەری وڵاتدا.