ئێران ... پیتاندن بەشی سەرەکی پیشەی ئەتۆمیە و بەدیلی نییە ‏

23:35 2025-06-01 72489 عەرەبی و نێودەوڵەتی 0

2025-06-01

72489

ئەمڕۆ یەکشەممە، سەرۆکی ڕێکخراوی وزەی ئەتۆمی ڕایگەیاند، بەبێ پیتاندن سووڕی سووتەمەنی تەواو نابێت و ئەگەری ئەنجامدانی توێژینەوەی پێشکەوتوویش لەدەست دەچێت. ئەم کەرتە سەرەکیە و هیچ بەدیلێکی نییە.
‏محەمەد ئیسلامی، بەرپرسی ڕێکخراوی وزەی ئەتۆمی، سەبارەت بە ڕاپۆرتی ئاژانسی نێودەوڵەتی وزەی ئەتۆمی ڕایگەیاند: بە پێی ڕێکارە یاساییەکان، هەر جارێک ئاژانس ڕاپۆرتێک بڵاو دەکاتەوە، ڕاپۆرتێکی ڕوونکردنەوە ئامادە دەکەین و لە ماڵپەڕی ئاژانسەکەدا بڵاوی دەکەینەوە.
‏
‏وتیشی: خاڵی گرنگ ئەوەیە کە هەر سێ مانگ جارێک کە ئاژانس ڕاپۆرت دەدات، ئێمە وەڵامی دەدەینەوە.
‏
‏سەرۆکی ڕێکخراوی وزەی ئەتۆمی زیادی کرد: دوێنێ، ڕاگەیەندراوێکی هاوبەشمان لەگەڵ وەزارەتی دەرەوە بڵاوکردەوە.
‏
‏ئیسلامی وتیشی: سکرتێری گشتیی ئاژانسی نێودەوڵەتی وزەی ئەتۆمی بە شێوەیەکی گوێڕایەڵانە کارەکان بەڕێوە دەبات، بەهۆی خواستی بەردەوامبوونی وەک ئەمینداری گشتی، بۆیە لە بنەڕەتدا ڕێبازەکەی سیاسییە، ئەمەش وایکردووە ڕاپۆرتەکە سیاسی بێت.
‏
‏باسیلەوەشکرد: ڕاپۆرتی ئاژانسی نێودەوڵەتی وزەی ئەتۆمی ئەمجارە جیاوازییەکی بنەڕەتی لەگەڵ ڕاپۆرتەکانی پێشوودا هەیە. ئەمە ڕاپۆرتێکی هەمەلایەنەیە کە بە هەمان سیاسەتی سێ وڵاتی ئورووپایی و ئەمریکا، بەو کاریگەرییەی کە ڕژێمی زایۆنی بەسەر ئاژانسەکەدا هەیەتی، سکرتێری گشتیی ناچار کردووە ڕاپۆرتێکی هەمەلایەنە پێشکەش بکات.