سەرۆک کۆمار: میوانداریی داهاتووی بەغدا بۆ لوتکەی عەرەبی ئاماژەیە لەسەر ڕۆڵی کارای عێراق

19:06 2025-04-30 66502 عێراق 0

2025-04-30

66502

سەرۆک کۆمار د.لەتیف جەمال ڕەشید دووپاتیکردەوە میوانداریی داهاتووی بەغدا بۆ لوتکەی عەرەبی ئاماژەیە لەسەر ڕۆڵی کارای عێراق.
سەرۆکایەتی کۆمار لەڕاگەیەندراوێکدا کەدەستی موتەڵع کەوتووە بڵاویکردەوە "سەرۆک کۆمار د.لەتیف جەمال ڕەشید، پێشوازیکرد لە وەفدێکی دامەزراوەی ئاشتی ئەوروپا بە سەرۆکایەتی بەڕێوەبەری جێبەجێکاری پەیمانگاکە لە برۆکسل مایکل کیتینگ.

وتیشی لە دیدارەکەدا کە ئەمڕۆ چوارشەممە 30-4-2025 لە کۆشکی بەغداد بەڕێوەچوو, وەفدەکە دەرئەنجامی ئەو دەستپێشخەرییەیان پێشکەش بە سەرۆک کۆمار کرد کە لە لایەن دامەزراوەکەوە خراوەتە روو لە وڵاتانی ئەنجومەنی هاریکاری کەنداو کە عێراق و ئێران لەخۆدەگرێت، بە ئامانجی بەرەوپێشبردنی گفتوگۆ و لێکنزیکبوونەوە و هاریکاریی ئیقلیمی. وەفدەکە باسی لە دەرئەنجامی گفتوگۆی فراوان کرد سەبارەت بە ڕێوشوێنەکانی ئێستا و داهاتوو، دیارترینیان سازکردنی کۆنفرانسێک بوو کە هەشت وڵات لە دەستپێشخەرییەکە بەشداربوو، بە ئامانجی داڕشتنی نەخشەڕێگایەکی رون بۆ پشتیوانیکردن لە هەوڵەکانی ئاشتی و سەقامگیری لە ناوچەکەدا.

سەرۆک کۆمار پاڵپشتی عێراقی بۆ هەموو هەوڵەکان دووپاتکردەوە کە ئامانجیان چەسپاندنی بنەماکانی دیالۆگ و لێکتێگەیشتنی ناوچەکەیە، هەروەها تەئکیدی کردەوە لە پێویستی دروستکردنی هەماهەنگی لەسەر بنەمای ڕێزگرتنی یەکتر و بەرژەوەندی هاوبەش لە نێوان وڵاتانی ناوچەکە.

سەرۆک کۆمار ئاماژەی بەوەدا کە میوانداریی داهاتووی بەغدا بۆ لوتکەی عەرەبی ئاماژەیە لەسەر ڕۆڵی کارای عێراق لە زۆنی عەرەبی و ئیقلیمیدا ، هەروەها پابەندبوونیەتی بە پاڵپشتیکردن لە چۆنیەتی پەرەپێدانی هاریکاری و یەکڕیزی لە نێوان گەلان و وڵاتانی ناوچەکە.

لای خۆیەوە مایکل کیتینگ پێزانینی خۆی بۆ هەوڵەکانی سەرۆک کۆمار نیشاندا بۆ چەسپاندنی سەقامگیری لە زۆنی عەرەبی و ناوچەیی، جەختیکردەوە لە گرنگی بەردەوامی هەماهەنگی و هاریکاری لەگەڵ هەموو لایەنە پەیوەندیدارەکان بۆ سەرخستنی دەستپێشخەرییەکە و فراوانکردنی مەودای کارکردن بۆ پاراستنی بەرژەوەندیی هەموو گەلانی ناوچەکە.