حسام حبيب يرفض لقب "صوت مصر" لشيرين ويكشف أسرار علاقتهم

13:37 2025-03-13 267324 ثقافة وفن 0

2025-03-13

267324

ابدى الفنان حسام حبيب عن رفضه لتلقيب النجمة شيرين عبد الوهاب بـ"صوت مصر"، مشيراً إلى أن:"لو كانت شيرين صوت مصر سوف يغير جنسيته المصرية".

وقال حسام حبيب إن:"حفلة شيرين عبد الوهاب كانت بكم وبقت بكم لما دخلت حياتها؟ وانا ساعتها مكنتش بشتغل حفلات، أنا معملتش حفلة ولا أغنية، عشان أنا أديت اللي أدامي كل حاجة، كانت هي قضيتي وهي طموحي، وجت لي في وقت كانت متكسرة فيه وطلبت هي إننا نتجوز، هو أنا كنت بحب شيرين يا جماعة".

وأضاف حسام حبيب، كان أجرها كم قبل 2018 وبقى أجرها كم؟ وكان عندها ألبومات ملكها ولا لأ، أنا كان لي دور ولو هي عايزة تنكره تنكره، لكن مافهمش الناس إنه كان مانعني، تقول للناس إيه اللي تخنها؟ أنا مقدرش أقول، اقسم بالله لو مطلعتش تقول واقعة واقعة عن كل للي اتهمتني فيهم وبإثباتاتها، هحكي الحكاية بتفاصيلها بشهودها بإثباتاتها بمحاضرها بكل حاجة.

واستكمل حسام حبيب:"ولو دي صوت مصر وبالسلوك ده، هغير جنسيتي بكرة".

وتابع حسام حبيب:"الفضل لله أولًا وأخيرًا، لكن أنا كنت جزء من نجاحها وعودتها للساحة بقوة، حفلاتها زادت، وأجرها زاد، وده مش كلامي، دي أرقام وإثباتات، وأنا مش بندم على اللي عملته، بس اللي بيحصل ده مش عدل".

ومن ناحية أخرى، كشف حسام حبيب عن اقتراب موعد إطلاق ألبومه الجديد الذي يتعاون فيه مع كبار صناع الأغنية بالعالم العريي من شعراء وملحنين وموزعين.

وكان الفنان حسام حبيب قد أطلق مؤخرا أغنية "كدابه" التي حققت نجاحا وانتشارا كبيرا حيث تصدرت تريند مواقع التواصل الاجتماعي.