یەکگرتوو: چاوەڕوانی موزایەدە و چەواشەكاری و زمانی زبرمان لە نەوەی نوێ نەدەكرد

14:23 2025-01-22 63663 كوردستان 0

2025-01-22

63663

مستەفا عەبدوڵا، سەرۆكی فراكسیۆنی یەكگرتو لە پەرلەمانی كوردستان ڕایگەیاند، جوڵانەوەی نەوەی نوێ ماوەی دو مانگە لەگەڵ یەكێتی و پارتی لە گفتوگۆدایە بۆ ئەوەی بەشی بەركەوێت بەڵام وادیارە نەگەیشتوەتە ئامانجەكانی و ناڕازیە دەبو بەشی ئەوەی تیا بهێشتایەتەوە كە لە داهاتودا لەگەڵ هێزە ئۆپۆزسیۆنەكانی دیكە كاری بكردایە، دەشڵێت، "چاوەڕوانی موزایەدە و چەواشەكاری و زمانی زبرمان لە نەوەی نوێ نەدەكرد، ئەوەش دەلیلی ئەوەیە كە پڕۆژەكەی نەوێ نوێ ناواقعیە".

مستەفا عەبدوڵا، ئەمڕۆ چوارشەممە لە كۆنگرەیەكی ڕۆژنامەوانیدا لە پەرلەمانی كوردستان لە هەولێر، "لە پێكهێنانی حكومەتدا یەكگرتو دیدی ڕۆشنە و زو وتویەتی كە بەشداری لە حكومەتی یەكێتی و پارتی ناكەن و ناچنە گفتوگۆوە، لەكاتێكدا كاك شاسوار سەرۆكی جوڵانەوەی نەوەی نوێ ماوەی دو مانگە لەگەڵ یەكێتی و پارتی لە گفتوگۆدایە بۆ ئەوەی بەشی بەركەوێت بەڵام وادیارە نەگەیشتوەتە ئامانجەكانی".
ئاماژەی بەوەشكرد، "ئەگەر نەوەی نوێ بەشداری پێكهێنانی حكومەتی هەرێمی كوردستانی بكردایە ئەوا ئێمە ڕێزمان لێدەگرت، بەڵام كاك شاسوار كە بەشی خۆی نەدراوەتێ و ناڕازیە دەبو بەشی ئەوەی تیا بهێشتایەتەوە كە لە داهاتودا لەگەڵ هێزە ئۆپۆزسیۆنەكانی دیكە كاری بكردایە و ئۆپۆزسیۆنێكی جدی دروست بكرایە".
سەرۆكی فراكسیۆنی یەكگرتو باسی لەوەشكرد، "چاوەڕوانی موزایەدە و چەواشەكاری و زمانی زبرمان لە نەوەی نوێ نەدەكرد، بەڵكو چاوەڕوانی كاری پێكەوەی بوین لە پەرلەمان، بەڵام ئێستا ئەو حزبە ڕۆژانە لایەنەكانی دیكە ئیحراج دەكات".
ئەوەشی خستەڕو، "ڕەوتی هەڵوێست ئۆپۆزسیۆنی بونی خۆیان ڕاگەیاندوە و ئێمەش لە یەكگرتو بەشداری حكومەت ناكەین، كۆمەڵی دادگەری ڕایانگەیاندوە كە بەشداری پەرلەمانیش ناكەن و ڕێز لە بڕیارەكەیان دەگرین، ئەوان كە بەشداری پەرلەمان ناكەن ڕۆژانە چەندین جار لەلایەن كاك شاسوارەوە ئیحراج دەكرێن و ناویان دەهێندرێت، ئەوەش دەلیلی ئەوەیە كە پڕۆژەكەی نەوێ نوێ ناواقعیە".