پەرلەمان ستایشی هەوڵەکانی یونامی دەکات لە پاڵپشتیکردنی هەڵبژاردن و بنیاتنانی سیستەمی سیاسی

21:07 2025-12-13 21377 عێراق 0

2025-12-13

21377

ئەمڕۆ شەممە مەحمود مەشهەدانی سەرۆكی پەرلەمان دووپاتی كردەوە كە كۆتایی هاتنی ئەركی یۆنامی گواستنەوەیە بۆ قۆناغێكی نوێی هاوبەشی هاوسەنگ لەگەڵ نەتەوە یەكگرتووەكان.
نووسینگەی ڕاگەیاندنی سەرۆكی پەرلەمان لە بەیاننامەیەكی ڕۆژنامەوانیدا كە دەستی ئاژانسی موتەڵع کەوتووە ڕایگەیاند: مەحمود مەشهەدانی سەرۆكی پەرلەمان بەشداریی لە مەراسیمی ماڵئاواییكردن بۆ نێردەی نەتەوە یەكگرتووەكان بۆ هاوكاری عێراق (یونامی) كرد، كە بە سەرپەرشتی محەمەد شیاع سودانی سەرۆكی ئەنجومەنی وەزیران بەڕێوەچوو و ئەنتۆنیۆ گۆتێرێس، محەمەد حەسان و ژمارەیەك لە كەسایەتییەكانی عێراق بەشدارییان كرد بەرپرسان و كەسایەتییە سیاسی و دیپلۆماسی و ئایینییەكان.
بەگوێرەی بەیاننامەكە مەشهەدانی جەختی : لە پێزانینی پەرلەمان بۆ ئەو ڕۆڵەی یونامی گێڕاوە لە پاڵپشتیكردنی عێراق لە ماوەی ڕابردوودا، بەتایبەتی لە بوارەكانی بەهێزكردنی پرۆسەی دیموكراسی و پاڵپشتیكردن لە هەڵبژاردنەكان و چەسپاندنی بنەماكانی مافی مرۆڤـ، ستایشی هاوكارییەكانی ئێستای نێوان دامەزراوەكانی دەوڵەتی عێراق و نەتەوە یەكگرتووەكانی كردووە.
لە بەیاننامەكەدا هاتووە : ئەم مەراسیمە بە بۆنەی كۆتاییهاتنی ئەركی یونامی لە عێراق دێت، دوای چەندین ساڵ كاری هاوبەش كە لەو ماوەیەدا پاڵپشتی سەقامگیری سیاسی و دامەزراوەیی وڵاتەكەی كرد،مەشهەدانی سوپاس و پێزانینی خۆی بۆ نەتەوە یەكگرتووەكان و ئەنتۆنیۆ گۆتێرێس سكرتێری گشتی دەربڕی بۆ بەردەوامی پشتیوانیكردنیان لە عێراق لە قۆناغە هەستیارەكاندا، هەوڵەكانی محەمەد حەسان، نوێنەری سكرتێری گشتی و سەرۆكی یونامی و ڕۆڵی پیشەیی خۆی لە پشتیوانیكردن لە سەقامگیری و پرۆسەی دیموكراسی ستایشی كرد.