پێشکەوتنی نەوتی عێراق... مۆرگان هیوز و هاوبەشییەکانی داهاتوو

13:04 2025-07-22 60876 عێراق 0

2025-07-22

60876

محەمەد شیاع سودانی سەرۆک وەزیران، ئەمڕۆ سێشەممە، دووپاتیکردەوە، گرێبەستە نەوتییەکانی حکومەت ئامانجیان پتەوکردنی هەلی کارە.
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەدەستی موتەڵع کەوتووە بڵاویکردەوە،سەرۆکی ئەنجومەنی وەزیران محەمەد شیاع سودانی، ئەمڕۆ سێشەممە، پێشوازی كرد لە جێگری سەرۆکی کۆمپانیای نەوتی مۆرگان هیوز گریگۆری بلوم، بە ئامادەبوونی بەرپرسی کاروباری باڵیۆزخانەی ئەمریکا لە عێراق ستیڤن فاگین.

وتیشی لە دیدارەکەدا پێداچوونەوە بە ڕێگا ئەگەرییەکانی هاوکاری و دەرفەتەکانی بەشداریکردنی کۆمپانیاکە لە پەرەپێدانی کێڵگە نەوتییەکان و وەبەرهێنانی غازی هاوەڵ کرا، سەرۆکی ئەنجومەنی وەزیران جەختی لەسەر هەوڵەکانی عێراق کردەوە، بۆ بەدیهێنانی وەبەرهێنان له سەرجەم ئەو غازانەی کە لە کێڵگە نەوتییەکاندا بەرهەم دەهێنرێن تا ساڵی 2028.

ڕوونیشیکردەوە سودانی جەختی لەوە کردەوە کە ئامانجی حکومەت، لە سەرجەم گرێبەستە نەوتییەکانیدا بەرزکردنەوەی هەلی کار و دڵنیابوونه لەوەی گرێبەستە لاوەکییەکان گرینگییەکی سەرەکی پڕۆژەکانی کەرتی تایبەتی ناوخۆیی عێراقن، جگە لە دابینکردنی دەرفەتی ڕاهێنان بۆ ئەندازیاران و تەکنیکارانی نیشتمانی لەسەر نوێترین تەکنەلۆژیای بەکارهێنراو لە پڕۆژەکانی نەوتدا.

لە لای خۆیەوە بلوم خواستی کۆمپانیاکەی دەربڕی بۆ گەیشتن بە ڕێککەوتن لەگەڵ لایەنی عێراقی لە بوارەکانی وەبەرهێنانی غاز و پەرەپێدانی کێڵگەکان و پاڵپشتیکردنی ڕێنێسانسی گەشەپێدانی بەردەوام لە عێراق لە ڕێگەی هاوکاری لە کەرتی نەوت و دابینکردنی نوێترین ئامرازی تەکنەلۆژی لەم بوارەدا.