پورتوگال بڕیاری داوە دوای ڕاگرتنی جەنگ باڵیۆزخانەکەی لە بەغداد بکاتەوە
ئەمڕۆ هەینی ،وەزارەتی دەرەوە ڕایگەیاند : کە پورتوگال بڕیاری داوە دوای وەستانی جەنگ لە ناوچەکەدا،باڵیۆزخانەی پورتوگال لە بەغداد بکاتەوە.
لە ڕاگەیەندراوێکی وەزارەتی دەرەوەدا هاتووە : "فوئاد حوسێن"جێگری سەرۆک وەزیران و وەزیری دەرەوە، لە پەیوەندییەکی تەلەفۆنیدا لەگەڵ "باوڵۆ ڕانژێل " وەزیری دەرەوەی پورتوگال، پێشهاتە مەترسیدارەکانی ناوچەکە و ڕێگاکانی کەمکردنەوەی ئاڵۆزی و هەوڵدان بۆ هێورکردنەوەی دۆخەکەیان تاوتوێ کرد.
وەک ڕاگەیەندراوەکە ئاماژەی پێداوە : لەو پەیوەندییەدا، وەزیری دەرەوەی پورتوگال هاوسۆزیی تەواوی حکومەتی وڵاتەکەی بۆ حکومەت و گەلی عێراق دەربڕی بەرامبەر بەو ئاستەنگ و هێرشانەی ڕووبەڕووی خاکی عێراق دەبنەوە، و جەختیشی کردەوە کە جەنگی بەردەوام هەڕەشەیەکی فرەڕەهەندە، بەتایبەتی دوای ئەوەی بۆ وڵاتانی دیکەی ناوچەکەش پەرەی سەندووە.
ئاماژەی بەوەشکرد : کە حکومەتی پورتوگال لە چوارچێوەی یەکێتیی ئەوروپا و ڕەنگە بە هەماهەنگی لەگەڵ هاوپەیمانیی باکووری ئەتڵەسی (ناتۆ)، کار دەکات بۆ پەیوەندیکردن بە ویلایەتە یەکگرتووەکانی ئەمریکا بەمەبەستی گوشارخستن بۆ ڕاگەیاندنی ئاگربەست و گەڕانەوە بۆ سەر ڕێڕەوی دانوستانەکان.
بەپێی ڕاگەیەندراوەکە "فوئاد حوسێن "سوپاسی وەزیری دەرەوە و حکومەتی پورتوگالی کرد بۆ هەڵوێستی هاوسۆزییان لەگەڵ گەلی عێراق لە ڕووبەڕووبوونەوەی ئەو هێرشانەی دەکرێنە سەریان.
جەختیشیکردەوە : کە جەنگی بەردەوام کۆمەڵێک کێشەی دروست کردووە کە لەوانەیە لەگەڵ تێپەڕبوونی کاتدا ببنە قەیرانی ئاڵۆز.
ئاماژەی بەوەشکرد : کە نەتوانینی هەناردەکردنی نەوت یان کەمکردنەوەی بەرهەمهێنانەکەی بووەتە هۆی کێشەی گەورە کە ڕەنگە پەرە بسێنێت و کاریگەری لەسەر بازاڕی نەوت و وزە دابنێت و ڕەنگدانەوەی نەرێنی لەسەر ئابووریی ئەوروپا هەبێت، تەنانەت ڕەنگە بەهۆی بەرزبوونەوەی نرخی بەنزینەوە ببێتە هۆی دروستکردنی کێشە لەناوخۆی ویلایەتە یەکگرتووەکانی ئەمریکادا.
فوئاد حوسێن ڕوونیکردەوە : کە مەترسیی جەنگ بۆ عێراق تەنها لە هێرش و تێکدانی دۆخی ئەمنییدا نییە، بەڵکو دەگاتە ئەگەری پەککەوتنی هەناردەکردنی نەوت بەهۆی مەترسییە سەربازییەکان لە گەرووی هورمز، ئەمەش پێویستی بە دۆزینەوەی دەرچەیەکی ڕاستەقینە بۆ قەیرانەکە هەیە کە بریتییە لە ڕاگەیاندنی ئاگربەست و گەڕانەوە بۆ سەر ڕێڕەوی دیپلۆماسی.
لە کۆتایی ڕاگەیەندراوەکەدا هاتووە: وەزیری دەرەوەی پورتوگال خواستی وڵاتەکەی بۆ پەرەپێدانی پەیوەندییە دوولایەنەکان لەگەڵ عێراق دووپات کردەوە و ئاماژەی بەوەشکرد کە پورتوگال بڕیاری داوە دوای وەستانی جەنگ لە ناوچەکەدا، باڵیۆزخانەی پورتوگال لە بەغداد بکاتەوە
كلمات مفتاحية
اخبار ذات صلة
تعليقات
أحدث الاخبار
منفذ العبدلي يعاود نشاطه للمسافرين والتجارة خلال 48 ساعة
القاضي زيدان: العنف ضد المرأة تهديد للأمن الأسري ومستمرون في تمكينها
الحلبوسي مشيداً بالمرأة العراقية: أثبتت حضورها وحافظت على تماسك المجتمع
الزيدي يشدد على حماية المرأة من الابتزاز وتمكينها قيادياً بالدولة
الحكيم: مناهضة العنف ضد المرأة مشروع معزز في جميع مؤسسات الدولة
آميدي: أمن المنطقة من أمن العراق.. وندعم المحاسبة الصارمة للمفسدين
أسعار الدولار ترتفع في بغداد وأربيل مع انطلاق تداولات بداية الأسبوع
رغم التراجع العالمي الأخير.. نفط البصرة يحصد مكاسب أسبوعية قوية
تصل إلى 47 مئوية في البصرة وميسان.. تفاصيل طقس العراق للأيام القادمة
كتلة هوائية أوروبية تحد من شدة الحرارة في العراق الأسبوع القادم
ترامب: إيران ليست مستعدة بعد للتوصل إلى اتفاق لكننا نتفاوض معها
وول ستريت جورنال: مقاتلات من البحرين والكويت قصفت أهدافاً في إيران
بعد نهائي دراماتيكي.. صخرة الدفاع الأرجنتيني يودع قميص "التانغو" للأبد
واشنطن تصدر تحذيراً أمنياً لرعاياها في العراق
ترامب يستبعد تسليح طهران ويكشف تفاصيل تعهدات الصين وروسيا
ضربة للفساد في الديوانية.. اعتقال مسؤولين ومقاولين وضبط أختام مشبوهة
عراقجي: إيران ترفض الوقف المؤقت لإطلاق النار وتتمسك بمطالبها
