هاوپەیمانییەکی عێراق و میسر و سعودیە ڕۆژئاوای بەغدا دەگۆڕێت بۆ ناوەندێکی ئابوری یەکگرتوو

19:25 2025-05-25 60438 عێراق 0

2025-05-25

60438

سەرۆکی ئەنجومەنی وەزیران محەمەد شیاع سودانی سەرپەرشتی واژۆکردنی یاداشتنامەیەکی لێکتێگەیشتن سەبارەت بە پەرەپێدانی بەشێک لە شاری ئابووریی بۆ شاری ڕەفیل لە بەغدا دەکات
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەدەستی موتەڵع کەوتووە بڵاویکردەوە سەرۆکی ئەنجومەنی وەزیران محەمەد شەیاع سودانی، ئەمڕۆ یەکشەممە سەرپەرشتی ڕێوڕەسمی واژۆکردنی یاداشتنامەیەکی لێکتێگەیشتنی کرد لە نێوان دەستەی نیشتمانی بۆ وەبەرهێنان و کۆمپانیای تەڵعەت مستەفا بۆ پەرەپێدانی خانووبەرە، سەبارەت بە پڕۆژەی وەبەرهێنانی عێراقی - میسری - سعودی بۆ پەرەپێدانی بەشێک لە شاری ئابووریی بۆ شاری ڕەفیل لە ڕۆژئاوای بەغدادی پایتەخت و وەبەرهێنانی دەرفەتی بەڵێندەر لە کەرتە جۆراوجۆرەکانیدا، بە ئامادەبوونی سەرۆکی دەستەی نیشتمانی بۆ وەبەرهێنان و سەرۆکی گروپی مهێدی سعودیە سولەیمان بن عەبدولقادر.

وتیشی لە ڕێوڕەسمەکەدا پێداچوونەوە بە دیزاینی شارە یەکخراوەکان کرا کە لەلایەن گرووپەکەوە جێبەجێ کرا لەگەڵ پێشکەشکردنی ڕوونکردنەوەی وورد لەسەر شارە ئابوورییەکە و شوێن و پلاندانان و خزمەتگوزاری و قوتابخانە و هۆتێل و خزمەتگوزارییەکانی دیکە.

سەرۆکی ئەنجومەنی وەزیران پێشوازی لە گروپەکە و هەموو هاوبەشییە بەرهەمدارەکان کرد و جەختی لەسەر پشتیوانی دەوڵەت بۆ پڕۆژەکانی وەبەرهێنان و ئامادەکردنی هەموو ئەو شتانە کردەوە، کە ببێتە هۆی فراوانکردنی ژینگەی وەبەرهێنان لە عێراق و دابینکردنی ئاسانکارییەکانی پێویست و ئاماژەی بە خێراکردنی پلانەکانی گەشەپێدان و پڕۆژە گرنگەکان کرد.

لای خۆیەوە هیشام تەڵعەت مستەفا ئامادەیی گروپەکەی دەربڕی بۆ هاوکاریکردن و دەستپێکردنی ڕێوشوێنەکانی جێبەجێکردنی ئەو پڕۆژانەی کە گرێبەستیان لەسەر کراوە.