فەرماندەی گشتی هێزە چەکدارەکان سەرۆکایەتی کۆبوونەوەیەکی ئەنجومەنی وەزیران بۆ ئاسایشی نیشتمانی دەکات

07:39 2023-10-26 78209 عێراق 0

2023-10-26

78209

سەرۆکی ئەنجومەنی وەزیران و فەرماندەی گشتی هێزە چەکدارەکان محمد شەیاع سودانی، سەرۆکایەتی کۆبوونەوەی ئەنجومەنی وەزیرانی ئاسایشی نیشتمانی کرد بە ئامادەبوونی بەڕێزان ئەندامانی ئەنجومەنەکە.

لیوای هێزە تایبەتەکان یەحیا ڕەسوڵ عەبدوڵا وتەبێژی فەرماندەی گشتی هێزە چەکدارەکان له راگەیەندراوێکدا رایگەیاند:"لە کۆبوونەوەکەدا تاوتوێی سەرجەم بارودۆخی ئاسایشی وڵات کرا لەگەڵ بتەوکردنی جێبەجێکردنی پلانە ئەمنییە پێویستەکان بۆ بەرقەرارکردنی ئاسایش و سەقامگیری لە سەرانسەری عێراقدا".
لە میانی کۆبوونەوەکەدا تاوتوێ پشتگیری کردنی دەستەی دەروازە سنورییەکان کرا بۆ ئەو هەوڵە مەزنانەی کە لەلایەن کارمەندەکانیانەوە ئەنجام دەدرێن، هەروەها سەرۆکی ئەنجومەنی وەزیران فەرمانی کرد کە پشتیوانیان بکرێت بە کارمەندە مرۆییەکان و تەرخانکردنی دارایی و کەلوپەلی تەکنیکی بۆ بەهێزکردنی هەوڵەکان لە کۆنترۆڵکردنی سنوورەکان و ڕێگریکردن لە پرۆسەکانی قاچاخچێتی کە ئەنجامدەرەکانیان هەوڵدەدەن زیان بە ئابووری نیشتمانی بگەیەنن، جگە لەوەی جەختی لەسەر نۆژەنکردنەوە و پەرەپێدانی ژێرخانی ئەو پارێزگایانە کردەوە کە دەروازە سنوورییەکان لەخۆدەگرێت.

هەر لە کۆبوونەوەکەدا تاوتوێی بارودۆخی قەزای شەنگال کرا، کە تیایدا سەرۆکی ئەنجومەنی وەزیران جەختی لە سەر پاڵپشتیکردنی دەسەڵاتی دادوەری کردەوە لەگەڵ کارکردن لەسەر بوونی هەموو فەرمانە خزمەتگوزارییەکان لە شەنگال، بۆ ئاسانکردنی ئەرکی هاوڵاتیان لە تەواوکردنی مامەڵە تایبەتییەکانیان، سودانى فەرمانی کرد بەردەوام بن لە کارکردن بۆ دابینکردنی ژینگەیەکی گونجاو کە هانی ئەو ڕۆڵانەی شەنگال بدات کە ئاوارەن لە پارێزگاکانی تر بگەڕێنەوە بۆ قەزاکەیان و بەشداری بکەن لە بنیاتنانەوەی.

ئەنجومەنەکە جەختی لە پشتیوانیکردنی هەموو هەوڵەکان کردەوە بۆ پاراستنی ئاسایش و سەقامگیری لە ناوچەکانی عێراق بۆ ئەوەی حکومەت و وەزارەتەکانی بەردەوام بن لە جێبەجێکردنی پلانەکانی چاکسازی و پەرەپێدان.

هەروەها ئەنجومەنەکە تاوتوێی چەند بابەتێکی دیکەی کرد کە لە خشتەی کارەکانیدا و ڕێوشوێنی پێویستی سەبارەت بەو بابەتانە گرتەبەر.