عێراق... پلەکانی گەرما بەرە بەرە بەرز دەبنەوە لە دوو پارێزگادا دەگاتە ٥٠ پلەی سەدی

20:29 2025-08-05 62654 عێراق 0

2025-08-05

62654

ئەمڕۆ سێشەممە ،ده‌سته‌ی کەشناسی وردەکارییەکانی بارودۆخی کەشوهەوای وڵاتەکەی بۆ ڕۆژانی داهاتوو ڕاگەیاند، هاوکات پێشبینی دەکات دوو پارێزگا پلەی گەرمی 50 پلەی سەدی تۆمار بکەن.
لە ڕاگەیەندراوێکی ده‌سته‌ی کەشناسیدا، کەدەستی موتەڵع کەوتووە تێیدا هاتووە، "سبەی چوارشەممە، کەش و هەوا ساماڵ دەبێت لەگەڵ هەندێک هەور لە ناوچەکانی باکور، هەروەها بای باکوری ڕۆژئاواش خێراییەکەی مامناوەند دەبێت، لە بەشەکانی ڕۆژهەڵاتی ناوچەکانی ناوەڕاست و باشوور چالاک دەبێت، دەگاتە زیاتر لە 30 کم/کاتژمێر، دەبێتە هۆی دروستبوونی خۆڵ بارین.

له‌ راگه‌یندراوه‌كه‌دا هاتووه‌، "به‌رزترین پلەکانی گەرما بۆ سبەی چوارشەممە بەم شێوەیەن: بەغدا، دیالە، کەربەلا، و بابل: 46 پله‌ هەولێر، سلێمانی، نەینەوا، سەڵاحەدین پله‌ ئەنبار: 43؛ دهۆك: 41؛ کەرکوک: 45؛ واست، دیوانیە، نەجەف، و موسه‌نا: 47؛ ناسریە: 48؛ و میسان و بەسرە: 50."

هه‌روه‌ها ئه‌وه‌یش هاتووه‌ كه‌، "رۆژی پێنجشەممە کەش و هەوا ساماڵ دەبێت لەگەڵ هەندێک هەور لە ناوچەکانی ڕۆژهەڵاتی وڵات. بای سووک بۆ مامناوەندی باکووری ڕۆژئاوا چالاک دەبێت لە بەشەکانی ڕۆژهەڵاتی ناوچەکانی ناوەڕاست و باشوور، خێرایی دەگاتە زیاتر لە 20 کیلۆمەتر لە کاتژمێرێکدا. پلەکانی گەرما کەمێک بەرز دەبنەوە لە ناوچەی ناوەڕاست و لە ناوچەکانی باکور و باشوور هاوشێوە دەبێت".

به‌گوێره‌ی راگه‌یندراوه‌كه‌ ئه‌وه‌یش هاتووه‌ ، "کەش و هەوای هەینی داهاتوو بەگشتی ساماڵ دەبێتەوە بۆ نیمچە هەور، لەگەڵ بای مامناوەندی باکووری ڕۆژئاوا چالاک دەبێت لە بەشەکانی ڕۆژهەڵاتی ناوچەکانی ناوەڕاست و باشوور، دەگاتە پەستانی زیاتر لە 30 کیلۆمەتر لە کاتژمێرێکدا، دەبێتە هۆی دروستبوونی خۆڵبارین. پلەکانی گەرما هاوشێوەی ڕۆژی پێشوو دەبێت، لەگەڵ بینینی ئاسۆیی 6-8 کم و 2-4 کیلۆمەتر لە خۆڵدا".

له‌ كۆتایی راگه‌یندراوه‌كه‌ هاتووه‌كه‌ ، "کەشوهەوای شەممەی داهاتوو بەگشتی ساماڵ دەبێتەوە، پلەکانی گەرما لە سەرجەم ناوچەکانی وڵاتدا کەمێک بەرزدەبنەوە".