سەرۆک کۆمار جەخت لە بەرپرسیارێتی وەزارەتی ڕۆشنبیری دەکاتەوە بۆ پێشخستنی ڕۆشنبیری و گەشتیاری عێراق

19:30 2025-05-27 78093 عێراق 0

2025-05-27

78093

سەرۆک کۆمار لەمیانی کردنەوەی پێشانگای هونەری هەمەلایەنی لەوەزارەتی ڕۆشنبیری و گەشتوگوزار و شوێنەوار جەختیکردەوە سەرۆک کۆمار لە بەرپرسیارێتی وەزارەتی ڕۆشنبیری بۆ پێشخستنی ڕۆشنبیری و گەشتیاری عێراق.
سەرۆکایەتی کۆمار لەڕاگەیەندراوێکدا کەدەستی موتەڵع کەوتووە ،بڵاویکردەوە "سەرۆک کۆمار د.لەتیف جەمال ڕەشید، ئەمڕۆ سێشەممە ٢٧ی ئایار ٢٠٢٥، پێشانگای هونەری هەمەلایەنی کردەوە، کە لەلایەن وەزارەتی ڕۆشنبیری و گەشتوگوزار و شوێنەوار ڕێکخرابوو.
هەروەها سەرۆک کۆمار گوێی لە پێناسەیەکی سروشتی ئەو بەرهەمە هونەرییانە گرت کە قووڵایی کلتووری و مێژوویی وڵات و فرەچەشنی کۆمەڵایەتی گەلی عێراق بەرجەستە دەکەن، لەگەڵ دیارترین کەسایەتییە سیاسی و ئەدەبییەکان.

وتیشی سەرۆک کۆمار جەختی کردەوە لە پێویستی ڕەنگدانەوەی وێنەی ڕاستەقینەی عێراق و گەشەسەندن و ئاسایش و سەقامگیری و دەربڕینی خواست و هیوای عێراقییەکان و پێکەوە ژیانی هاوبەشیان.
ئاماژەیشیدا سەرۆک کۆمار لەپەراوێزی سەردانەکەیدا بۆ پێشانگاکە، لەگەڵ وەزیری ڕۆشنبیری ئەحمەد فەکاک ئەلبەدرانی و ژمارەیەک لە بەرپرسانی وەزارەت کۆبوەوە .
هەر لەمیانی دیدارەکەدا سەرۆک کۆمار ئاماژەی بە بەرپرسیارێتی وەزارەتی ڕۆشنبیری کرد لە پێشخستنی ڕۆشنبیری و گەشتیاری عێراق لەسەر ئاستی ناوخۆ و نێودەوڵەتیدا، هەروەها خستنەڕووی وێنەیەکی ڕاستەقینەی ئاسایش و سەقامگیری لە وڵات، کە ڕەنگدانەوەی هەبوو لە میوانداریکردنی عێراق بۆ لوتکەی عەرەبی و هەڵبژاردنی بەغداد وەک پایتەختی گەشتیاری لە ساڵی 2025، جەختیشیکردەوە لەسەر گرنگی ئاگادارکردنەوەی نەوەکان لەو تاوانانەی لەلایەن ڕژێمی دیکتاتۆرییەوە ئەنجامدراون دژ بە ڕۆڵەکانی گەلەکەمان لەڕێگەی گۆڕە بەکۆمەڵەکان و کیمیابارانی شاری هەڵەبجە و ئەنفال و ئەو پێشێلکارییانەی کە لەلایەن باندە تیرۆریستییەکانەوە بەرامبەر بە شوێنە وشوێنەوارە پیرۆز و دێرین و شارستانییەکان ئەنجام دران.
لە بەرامبەردا وەزیر، پێداچوونەوەی بە چالاکیی و پلانەکانی وەزارەتدا کرد بۆ پیشاندانی ڕووخساری شارستانی و داهێنەرانەی عێراق، و بەهێزکردنی لە کۆڕ و کۆڕبەندە نێودەوڵەتییەکاندا.