سەرۆک وەزیران خەڵاتی کۆمەڵێک پاڵەوانی وەرزشی دەکات

20:51 2023-11-18 29428 وەرزش 0

2023-11-18

29428

سەرۆکی ئەنجومەنی وەزیران محەمەد شەیاع سودانی ئێوارەی ئەمڕۆ شەممە پێشوازی کرد لە کۆمەڵێک پاڵەوانی وەرزشی کە 27 مەدالیای جۆراوجۆریان لە پاڵەوانێتی جیهانی بەرزکردنەوەی کێش لە سعودیە و خولی یارییەکانی ئاسیا لە چین لەگەڵ خولی یارییەکانی پارالیمپی ئاسیا-یان بەدەست هێنا.

نوسینگەی راگەیاندنی سەرۆک وەزیران لەبەیاننامەیەکدا رایگەیاند:"لە سەرەتای چاو پێکەوتنەکەدا سودانى پیرۆزبایی لە وەرزشوانان و ستافی ڕاهێنان کرد بۆ ئەو دەستکەوتەی کە ناوی عێراقی بەرزکردەوە لە کۆڕبەندە وەرزشییە نێودەوڵەتییەکاندا و جەختی لەوە کردەوە کە سەرکەوتنیان سەرکەوتنێکە بۆ هەموو عێراقییەکان".

سەرۆکی ئەنجومەنی وەزیران ئاماژەی بەوە کرد کە کەرتی وەرزشى لە یەکەم ڕۆژەوە لە پلان و بەرنامەکانی حکومەتدا ئامادەبووە، لەبەرئەوەی ئێمە دڵنیاین لە بوونی لێهاتوویی و بەهرەکان کە توانای پێشخستنی ناوی عێراقیان هەیە لە ڕێگەی وەرزشەوە کە تیایدا هەموو توخمەکانی هێز و سەرکەوتن لەخۆ دەگرێت و جەختیشی کردەوە کە زنجیرەیەک بڕیار و ڕێوشوێن گیراوەتەبەر بۆ پشتیوانیکردنی لیژنەی ئۆڵۆمپی و فیدراسیۆنەکان و هەموو دەستپێشخەرییەکی پەیوەندیدار بە وەرزشەوە، جگە لە چارەسەرکردنی کێشە و ئاستەنگیه دارایی و یاساییەکان.

سودانی ئاماژەی بەوەدا کە حکومەت جدییە لە پشتیوانیکردنی وەرزش و پشتیوانی دارایی ڕوونی تەرخانکردووە بۆ لیژنەی ئۆڵۆمپی لە بودجەی سێ ساڵەدا کە هیوادارین بە شێوەیەکی دروست وەبەرهێنان بکرێت و جەختی لەوە کردەوە کە ئەو لەگەڵ هەر دەستپێشخەرییەکدایە کە پشتگیری لە وەرزش بکات لە یارییە جۆراوجۆرەکانی تیم و تاکەکەسیدا.

هەروەها جەختی کردەوە لەسەر پێویستی دانانی پلان و ئامانج و بەرنامەکان بۆ بەدەستهێنانی مەدالیاکانی ئۆڵۆمپیاد و لە هەمان کاتدا ستایشی ئەو دەستکەوتانەی کرد کە پاڵەوانەکانی لیژنەی پارالیمپیاد لە یارییەکانی ئاسیا بەدەستیان هێناوە و سەرچاوەی شانازیین.

سەرۆکی ئەنجومەنی وەزیران، هەریەک لە وەزیری وەرزش و لاوان و ڕاوێژکارانی سەرۆکی ئەنجومەنی وەزیران بۆ کاروباری وەرزشی ڕاسپارد پلانێک ئامادە بکەن بۆ دەستنیشانکردنی ئەو شوێنانەی کە دەتوانرێت دەستکەوتیان تێدا بەدەست بهێنرێت، و بکرێتە ئامانجێک بۆ ئەوەی لە ماوەی دوو یان سێ ساڵدا کاری لەسەر بکرێت بۆ دروستکردنی پاڵەوانێک و جەختیشی کردەوە لەسەر ئەوەی کە چاکسازی لە کەرتی وەرزشیدا یەکێکە لە لایەنەکانی پشتیوانی و کەرتی تایبەت دەتوانێت بچێتە ناو پشتیوانیکردنی وەرزشەوە و پێویستە یانەکان و فیدراسیۆنەکان بەسەر بەربەستەکاندا زاڵبن و بەشداری بکەن لە بەرەوپێشبردنی وەرزشی عێراق.