سەرۆک وەزیران بانگهێشتنامەیەکی فەرمی پێدەگات بۆ سەردانی كردنى تونس

13:55 2024-01-30 100678 عێراق 0

2024-01-30

100678

سەرۆکی ئەنجومەنی وەزیران محەمەد شەیاع سودانی، بەیانی ئەمڕۆ سێشەممە پێشوازی کرد لە باڵیۆزی کۆماری تونس لە عێراق بەڕێز شوکری لەتیف.

نوسینگەی راگەیاندی سەرۆک وەزیران لە بەیانامەیەکدا رایگەیاند:-لە کۆبوونەوەکەدا تاوتوێی ئاسۆی هەماهەنگی هاوبەشی نێوان هەردوو وڵاتی برا کرا لەگەڵ چۆنیەتی بەهێزکردنی پەیوەندییەکان لەسەر ئاست و بوارە جیاوازەکان لە بەرژەوەندی هەردوو گەلی عێراق و تونس.

ئاماژەبەوەکرا `` شوکری لەتیف باڵیۆزی تونس سڵاوی سەرۆک وەزیرانی تونس ئەحمەد ساڵح ئەلحەشانی گواستەوە بۆ سودانی و پێزانینی خۆی دەربڕی بۆ هەڵوێستەکانی عێراق و خواستی ڕاستەقینەی سەرۆکی تونس بەڕێز قەیس سەعید ی ڕاگەیاند بۆ فراوانکردنی هاوبەشی ستراتیژی و بەهێزکردنی دۆستایەتی نێوان هەردوو وڵات.

هەروەها پەیامێکی نووسراوی ئەلحەشانی گەیاندە بەڕێز سودانی، کە بانگهێشتنامەیەکی فەرمی لەخۆگرتبوو بۆ سەرۆک وەزیران بۆ سەردانیکردنی تونس، بەمەبەستی تاوتوێکردنی ڕێگاکانی هەمەجۆرکردنی بوارەکانی هاریکاری و بەرزکردنەوەیان بۆ بەرزترین ئاست و پشتڕاستکردنەوەی ئاڕاستەکان بەرەو کرداری هاوبەش و بنیاتنەر.

لای خویەوە سەرۆکی ئەنجومەنی وەزیران پێزانینی خۆی بۆ ئەو بانگهێشتنامەیە و وەڵامدانەوەی بە زووترین کات دەربڕی و جەختی لە گرنگی پشتیوانی هاوبەش کردەوە لە کۆڕبەندە نێودەوڵەتییەکان لەگەڵ هەڵوێستی تونس سەبارەت پرسی فەڵەستین.

هەروەها سودانی بانگهێشتی کۆمپانیا تونسییەکانی کرد بۆ بەشداریکردن لە پڕۆژەکان و دەرفەتی وەبەرهێنان و بنیاتنانی ژێرخان لە عێراق و گرنگی یەکخستنی ئابووری و سەرخستنی کۆبوونەوەکانی لیژنەی داهاتووی عێراق و تونس لە بەغداد.