سەرۆك رەشید: عێراق پابەنده بە پێشخستنی كەرتی وزەی نیشتمانی
ئەمڕۆ شەممە عەبدولەتیف جەمال ڕەشید سەرۆك كۆمار جەختیکردەوە عێراق پابەندە بە پێشخستنی كەرتی وزەی نیشتمانی و بەهێزكردنی هاوبەشییە نێودەوڵەتییەكان بۆ پەرەپێدانی ئەم كەرتە گرنگە دووپاتكردەوە.
سەرۆكایەتی كۆمار لە بەیاننامەیەكدا ڕایگەیاند: سەرۆك عەبدولەتیف جەمال ڕەشید لە كۆشكی ئاشتی لە بەغدا پێشوازی لە شاندێكی بەشداربووانی كۆڕبەندی نێودەوڵەتی وزەی بەغدا كرد، كە بریتی بوون لە هەیسەم فەیسەڵ ڕەشید، سكرتێری گشتی ئۆپێك، وەزیری نەوت و غازی لیبیا خەلیفە ڕەجەب محەمەد عەبد سادق، یاریدەدەری یەكەمی وزەی لیبیا و وەزارەتی بەرهەمهێنان - وەزارەتی نەوتی میسر ئیهاب ڕەجایی، و ئەحمەد بارات تشۆنكار، یاریدەدەری وەزیری وزە و سامانە سروشتییەكانی توركیا، بە ئامادەبوونی جێگری سەرۆك وەزیران بۆ كاروباری وزە و وەزیری نەوت حەیان عەبدولغەنی.
ئاماژەی بەوەشكرد : لە سەرەتای كۆبوونەوەكەدا سەرۆك كۆمار بەخێرهاتنی شاندەكەی كرد و ئاماژەی بە پابەندبوونی عێراق كرد بۆ پێشخستنی كەرتی وزەی نیشتمانی و هەوڵەكانی بۆ بەهێزكردنی هاوبەشی بنیاتنەر لەگەڵ دەوروبەری ناوچەیی و نێودەوڵەتی، بە شێوەیەك كە خزمەت بە خواستەكانی گەلان بكات بۆ پێشكەوتن و سەقامگیری.
بەگوێرەی بەیاننامەكە سەرۆك كۆمار ڕوونیكردەوە : كە عێراق بە پشتبەستن بە پێگەی ستراتیژی و سامانە هەمەچەشنەكەی، توانای وەبەرهێنانی هەیە لە سامانە سروشتییە بەردەستەكان و پەسەندكردنی ڕێگەچارەی بەردەوام، ئەمە جگە لە ڕۆڵی وەك هاوبەشێكی سەرەكی لە گواستنەوە بۆ ئابوورییەكی سەوز و هەنگاونان بەرەو بەكارهێنانی وزەی نوێبووەوە.
جەختیشی لەوە كردەوە : كە بەستنی ئەو كۆڕبەندە هەنگاوێكی ئومێدبەخشە بۆ تیشك خستنە سەر ڕۆڵی پێشەنگانەی عێراق لە كەرتی وزەدا، ئاماژەی بەوەشكرد، سەركەوتن لەم بوارەدا بەشدار دەبێت لە داڕشتنی دیدگای نوێ بۆ سیاسەتی وزە و فراوانكردنی ئاسۆی هاوكاری لەگەڵ كۆمپانیا نێودەوڵەتییەكان كە وەبەرهێنان لە بازاڕی عێراقدا دەكەن، هیوای سەركەوتنی بۆ كۆڕبەندی بەغدا و بەشداربووان خواست لە گەیشتن بەو بڕیارانەی كە خزمەت بە گەشەپێدانی كەرتی وزە و گەیشتن بە بەرژەوەندییە نیشتمانییەكان و بەدیهێنانی خواستەكانی خەڵك بكات. لای خۆشیانەوە ئەندامانی شاندەكە، بەگوێرەی بەیاننامەكە سوپاس و پێزانینی خۆیان بۆ سەرۆك كۆمار و پێزانینی خۆیان بۆ تێڕوانینە بەنرخەكانی دەربڕیوە، ویستی جددی خۆیان بۆ قووڵكردنەوەی پەیوەندییە ئەرێنییەكان لەگەڵ عێراق بۆ ئەوەی هەموو سێكتەرەكان بگرێتەوە ڕوونكردووەتەوە.
كلمات مفتاحية
اخبار ذات صلة
تعليقات
أحدث الاخبار
ترامب: الحرب في إيران ستنتهي قريباً
إمام جمعة النجف يحذر من الضغوط الخارجية ويطالب بوقف الانتهاكات الجوية
الزراعة توضح حقيقة وجود مخاطر صحية في البيض المستورد
صراع مشتعل على صدارة دوري النجوم وسط مباريات حاسمة ومرتقبة
الأنواء: أمطار رعدية وانخفاض في درجات الحرارة
المرور العامة تنوه عن قطع جزئي لطريق في بغداد
الحشد ينفي تقاضي المستشارين الإيرانيين رواتب خلال حرب العراق ضد الإرهاب
الحكومة: الزيدي سيزور الكويت والبحرين ودولاً أخرى ترتبط مع العراق بمصالح استراتيجية
تسنيم: طهران تلقت رسالة أمريكية عبر وسطاء وتتمسك بشروطها الصارمة
القائد العام للقوات المسلحة يتولى مهام رئاسة جهاز المخابرات
قائمة مسائية بأسعار الدولار في العراق
البرلمان يؤجل انعقاد جلسته إلى إشعار آخر
زيارة رفيعة لمقر المخابرات وتأكيد حكومي على إبعاده عن التحاصص الحزبي
النفط تنفي سحب يد علي نزار الشطري من إدارة شركة سومو
إطلاق رواتب متقاعدي العمال المضمونين لشهر تشرين الثاني
البنك المركزي العراقي ينفي صدور قائمة تدقيق لشخصيات سياسية
ارتفاع جديد لأسعار الدولار في بغداد وأربيل
