سەرۆکی ئەنجومەنی وەزیران محەمەد شەیاع سودانی، لە هەشتەمین ساڵیادی ڕۆژی سەرکەوتن و شکستی ڕێکخراوی تیرۆریستابی داعش لەگەڵ کەسوکاری شەهیدانی هێزە چەکدارەکانمان دیدارێک ئەنجام دەدات
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەدەستی موتەڵع کەوتووە،بڵاویکردەوە،سەرۆکی ئەنجومەنی وەزیران،  فەرماندەی گشتی هێزە چەکدارەکان محەمەد شەیاع سودانی، ئەمڕۆ چوارشەممە، پێشوازی کرد لە ژمارەیەک کەسوکاری شەهیدانی هێزە چەکدارەکانمان، لە پێکهاتە جیاوازەکانی ناو هەردوو وەزارتی بەرگری و ناوخۆ و دەزگای دژە تیرۆر و هێزەکانی حەشدی شەعبی و دەزگای ئاسایشی نیشتمانی و دەزگای هەواڵگری نیشتمانی عێراق، بەبۆنەی هەشتەمین ساڵیادی سەرکەوتن بەسەر تیرۆر و شکستی ڕێکخراوی تیرۆریستانی داعش و ڕاگەیاندنی ڕۆژی سەرکەوتن.

وتیشی سودانی لە وتارەکەیدا ستایشی ئەو قوربانییە گەورەیەی شەهیدانمانی کرد و لەگەڵ قوربانیدانانەی بنەماڵە بەڕێزەکانیان، لە پێناو بەدەستهێنانی سەرکەوتن و ڕزگاربوون لە باندەکانی تیرۆر و کوشتن و تاوانکاری، دوای ئەوەی لە قۆناغێکی لاوازی وڵاتدا دەستیان بەسەر خاکدا گرت.

سودانی ئاماژەی بە فەتوای پیرۆزی مەرجەعییەتی باڵای ئایینی و یەکڕیزیی هەموو چین و توێژەکانی گەلەکەمانی بە هەموو پێکهاتە برایەکانییەوە کرد، کە بووە هۆی شکست و کۆتایی داعشی و ئەو قوربانیدانەی شەهیدان نەیهێشت عێراق بخلیسکێتە ناو پشێوی و هەڵوەشانەوە.

ئەمانەی خوارەوە دەقی وتارەکەی  سەرۆکی ئەنجومەنی وەزیرانە:

? سوپاس و پێزانینی خۆمان ئاراستەی کەسوکاری شەهیدان دەکەین بۆ ئەو قوربانییە بێئەندازەیەی کە ئەم قارەمانانە داویانە.

? قوربانییەکان بەنرخن و باجێکی قورسمان لە خوێنی شەهیدان دا، سەرکەوتن لە سایەی ئەوانەوە بەدەست هات و دۆخی خورافات و تاوان کۆتایی هات.

? شەهیدان پێگەیەکی بەرز و ڕێزداریان هەیە، ئەم پێگەیە تەنها ئەو کەسانە بەدەستی دەهێنن کە خودای گەورە هەڵیانبژاردووە.

? ڕێگای شەهیدبوون و قوربانیدان بەردەوامە لە دژی نادادپەروەری، چ لە ڕووبەڕووبوونەوەی دیکتاتۆریەت بێت یان تیرۆر.

? داعش بەشێک بوو لە پرۆژەیەکی گەورەتر کە دەوڵەت و ناوچەکەی کردە ئامانج و وڵاتان و دەزگا هەواڵگرییەکانیش پاڵپشتییان کرد بۆ جێبەجێکردنی پلانەکەیان.

? ئەو سەقامگیری و ئاسایش و بوژانەوە و ئاوەدانکردنەوە و گەشەپێدان و خزمەتگوزارییانەی کە ئەمڕۆ وڵات بەخۆوەیەوە دەیبینێت هەمووی لە سایەی قوربانیدانی شەهیدانەوەیە.

? بە خۆبەخشی دڵسۆزان بەردەوام دەبین لە هەنگاونان بەرەو پێشەوە، دەوڵەتیش بەرپرسیارە لە جێبەجێکردنی ئەرکەکانی بەتایبەت بەرامبەر بە کەسوکاری شەهیدان.

? فەرمانمان کرد هەر کەموکوڕی و دواکەوتنێک لە دابینکردنی پێداویستییەکانی کەسوکاری شەهیدان چارەسەر بکرێت، کەس ناتوانێت نکۆڵی لە ئەم مافە بکات ئەمە نە منەت و نە چاکەیە.