دەستگیرکردنی کەسێک لەکەرکوک کە خۆی وەکو ئەفسەر ناساندووە

17:45 2023-11-19 36438 عێراق 0

2023-11-19

36438

ئەمڕۆ یەکشەممە،بەرێوەبەرایەتی گشتی ئاسایش و زانیاری،لە وەزارەتی بەرگری دەستگیرکردنی کەسێکی راگەیاند،کە خۆی وەک ئەفسەر بە پلەی عەمید لە کەرکوک ناساندوە و تۆمەتبارەکە چەندین کردەوەی ساختەکاری ئەنجامداوە و بە تۆمەتی جۆراوجۆر لەلایەن دەسەڵاتی دادوەری داواکراوبووە . لە بەیاننامەیەکی بەڕێوەبەرایەتییەکەدا هاتووە:-هێزەکانی بەڕێوەبەرایەتی ئاسایشی و هەواڵگری کەرکووکی سەر بە بەڕێوەبەرایەتییەکە توانیان تۆمەتبارێک دەستگیربکەن کە خۆی وەک ئەفسەرێک نیشانداوە بە پلەی عەمید،هەروەها چەندین کردەوەی پێچەوانەی یاسا ئەنجامداوە و سەرپەرشتی تۆڕێکی ساختەکاری کردوە لە پارێزگای کەرکوک. وەک بەیاننامەکە ئاماژەی پێداوە:-تۆمەتبارەکە بەپێی چەندین دۆسیەی جیاواز چەندین فەرمانی دەستگیرکردنی بۆ دەرچووە، و دەستگیرکردنەکە لەڕێگەی بۆسەیەکی وردەوە لەسەنتەری شاری کەرکوک ئەنجامدراوە،کە لەلایەن هێزەکانی بەڕێوەبەرایەتیەکەوە کە ئاماژەی پێدرا ،بە هەماهەنگی لەگەڵ فەوجێکی فەرماندەیی ئۆپەراسیۆنەکانی کەرکوک و هێزی سوات و فەرماندەی پۆلیسی کەرکوک و مەفرەزێک لە بەڕێوەبەرایەتی گشتی ئۆپەراسیۆنەکانی ئاسایش بەڕێوەچووە. هەروەک تۆمەتبارەکە دانی بەوەداناوە کە چەندین تاوانکاری لە چەند پارێزگایەک ئەنجامداوە،بەیاننامەکە جەختیشیکردۆتەوە تۆمەتبار دەخرێتە بەردەم دەسەڵاتی دادوەری بۆ وەرگرتنی سزای تاوانەکانی.