دادگای باڵای فیدراڵی ئەو داوایانە ڕەتدەکاتەوە کە تایبەتن بە مووچەی ئەفسەران و بڕیاری دەزگای شەهیدان

21:12 2025-07-10 74481 عێراق 0

2025-07-10

74481

دادگای باڵای فیدراڵی ئەمڕۆ پێنجشەممە داوای یاسایی پەیوەست بە مووچەی ئەفسەران و بڕیارێکی دەزگای شەهیدان ڕەتکردەوە.
راگه‌یندراوێكی دادگای فیدراڵی، کە دەستی موتەڵع کەوتووە، تێیدا هاتووە "دادگای باڵای فیدراڵی دانیشتنی خۆی بە سەرۆکایەتی دادوەر مونزر ئیبراهیم حسێن ئەنجامدا و لێکۆڵینەوەی لەو داوایە یاساییانە کرد کە لەبەردەمیدا خراوەتەڕوو".

لە ڕاگەیەندراوەکەدا ئاماژە بەوەشکراوە، "پێکهاتەی دادگاکە بریتی بووە لە دادوەر سەمیر عەباس محەمەد، جێگری سەرۆک ، هەروەها ئەندامێتی دادوەرەکان غالب عامر شنه‌ین، حەیدەر جابر عەبد، حەیدەر عەلی نوری، خەلەف ئەحمەد ڕەجەب، ئەیوب عەباس ساڵح، دیار محەمەد عەلی، و سیدقی سەلیم خان".

ئاماژەی بەوەشکرد، "دادگا بڕیاریدا ئەو داوایە ڕەتبکاتەوە کە تێیدا داوای بڕیارێکی کابینە ژمارە (177) و بڕیارنامەی هەموارکراوی ژمارە (390)ی ساڵی 2010ی ئەنجومەنی وەزیران، سەبارەت بە مووچە و پلە و پاداشتەکانی ئەفسەران، بەهۆی نەبوونی هیچ شتێکەوە کە ڕەوایەتییان تێکبدات، ڕەتبکاتەوە".

لە ڕاگەیەندراوەکەدا ڕوونیکردووەتەوە "دادگاکە دوو داوای یاساییشی ڕەتکردووەتەوە، یەکەمیان، کە داواکار داوای هەڵوەشاندنەوەی فەرمانێکی وەزاری کردووە کە داوا دەکات بڕە پارەیەک بدات، دووەمیشیان کە داواکار داوای بڕیارێکی کردووە کە بڕیارێکی دەرچووی ده‌زگای شەهیدان بە نادەستووری بناسێنێت، بەهۆی نەبوونی دەسەڵاتی دادوەرییەوە".