پیشەسازی دەرمانی عێراق بە هاوبەشی ئەمریکی و جیهانی دەچێتە قۆناغێکی نوێ

21:50 2026-02-05 34056 عێراق 0

2026-02-05

34056

ڕاوێژکاری سەرۆک وەزیران بۆ پیشەسازی و گەشەپێدان و کەرتی تایبەت، حەمودی لامی، ئەمڕۆ پێنجشەممە پێشکەوتنی بەرچاوی لە پیشەسازیی نیشتمانیی دەرمانسازیدا ڕاگەیاند، ئاماژەی بەوەدا کە ئێستا نزیکەی 40%ی پێداویستییەکانی بازاڕی ناوخۆیی دەگرێتەوە، لەگەڵ ڕێککەوتنەکانیش بۆ گواستنەوەی تەکنەلۆژیای بەرهەمهێنانی دەرمان بۆ عێراق.
لامی لە لێدوانێکدا کە موتەڵع بەدواداچوونی بۆ کردووە ڕایگەیاندووە، “لە ئێستادا عێراق 34 کارگەی دەرمانی هەیە کە یەکێکیان سەر بە کەرتی گشتییە ئەویش کارگەی دەرمانی سامەڕایە، ئەوانی تریش سەر بە کەرتی تایبەتن کە 80%ی کۆی بەرهەمی ناوخۆ بەشدارن”. ڕوونیشیکردەوە، “ئەو کارگانە بە توانای تەواو کاردەکەن و زیاتر لە 2060 جۆر دەرمان بەرهەمدەهێنن”.
لامی ڕوونی کردەوە کە "وەبەرهێنان لەم کەرتەدا زۆر گەورەیە، تێچووی هەر کارگەیەک دەگاتە 200 ملیۆن دۆلار"، ئاماژەی بەوەشکرد "حکومەت هاندانێکی بەرچاوی بۆ پاڵپشتیکردنی ئەم کەرتە دابینکردووە، لەوانە کەمکردنەوەی کرێی تۆمارکردنی دەرمانی دروستکراوی ناوخۆ بەڕێژەی 50% بە بەراورد بە دەرمانی هاوردەکراو".
وتیشی، "وەزارەتی تەندروستی دووپاتی کردەوە کە لە ئێستادا 60%ی پێداویستییەکانی کۆمپانیای گشتی بەبازاڕکردنی دەرمان و پێداویستی پزیشکی (کیمادیا) لە ڕێگەی گرێبەست لەگەڵ کارگە ناوخۆییەکان دابین دەکرێت"، ئاماژەی بەوەشکرد "کۆی پێداویستییەکانی عێراق لە نێوان 4 بۆ 5 ملیار دۆلارە ساڵانە".
سەبارەت بە دەرمانی تایبەتمەند، ڕاوێژکاری سەرۆکی حکومەت ئاشکرای دەکات: "ئۆفەرێک دراوە بە کۆمپانیا ناوخۆییەکان بۆ بەرهەمهێنانی دوو هەزار جۆری نەخۆشی بایۆلۆجی و درێژخایەن و دەرمانی تایبەتمەند لە ناوخۆی عێراقدا". هەروەها پشتڕاستی کردەوە: "دوو کۆمپانیای ناوخۆیی بە سەرکەوتوویی ڕێککەوتنیان لەگەڵ کۆمپانیا بیانییەکان ئەنجامداوە، لەنێویاندا کۆمپانیا ئەمریکییەکان، بۆ گواستنەوەی تەکنەلۆژیای بەرهەمهێنانی ئەم دەرمانە گرنگانەی دووجار بەکارهێنان".
لامی ئاماژەی بەوەدا کە "دەرمانە بەرهەم هێنراوەکانی ناوخۆ کوالیتی بەرزیان هەیە، بەراورد دەکرێت بە دەرمانی هاوردەکراو و پشکنینی توندیان بۆ دەکرێت. جگە لەوەش هەرزانترن، بەمەش بارگرانی دارایی لەسەر هاووڵاتیان کەم دەبێتەوە".