وەزیری دەرەوە: عێراق ڕێگانادات کە خاکەکەی ببێتە گۆڕەپانێک بۆ یەکلاکردنەوەی حیساباتی نێوان وڵاتانی ناکۆک
ئەمرۆ یەک شەممە "فوئاد حسێن"وەزیری دەرەوە ڕایگەیاند :-کە حکومەتی عێراق جارێکی دیکە رێگانادات کە خاکەکەی ببێتە گۆڕەپانێک بۆ یەکلاکردنەوەی حیساباتی لە نێوان وڵاتانی ناکۆک.
لە ڕاگەیەندراوێکی وەزارەتی دەرەوەدا هاتووە:- ئەمرۆ "فوئاد حسێن"جێگری سەرۆکوەزیران و وەزیری دەرەوە لەگەڵ باڵیۆزانی وڵاتانی یەکێتیی ئەورووپا و کەنەدا و بەرازیل و ئوسترالیا لە بارەگای وەزارەتی دەرەوە لە بەغدا کۆبوویەوە.
وەک ڕاگەیەندراوەکە ئاماژەی پێداوە :- لەمیانی کۆبوونەوەکەدا باس لەو هێرشانە کرا کە لەلایەن ویلایەتە یەکگرتووەکانی ئەمەریکا بۆ سەر عێراق دەستیپێکرد و هێزە ئەمنییەکانی عێراق و شوێنە مەدەنییەکانی ناوچەکانی عەکاشات و قائیمی کردە ئامانج، کە بووە هۆی زیانی گەورەی مرۆیی و ماددی.
هەر بەپێی راگەیەندراوەکە "فوئاد حوسێن " جەختی کردەوە،کە حکومەتی عێراق جارێکی دیکە ڕەتیدەکاتەوە کە خاکەکەی ببێتە گۆڕەپانێک بۆ یەکلاکردنەوەی حیساباتی نێوان وڵاتانی ناکۆک،هەروەک جەختیشی لەوە کردەوە کە عێراق شوێنی ناردنی پەیام و پیشاندانی دەسەڵات نی یە لە نێوان وڵاتانی ناکۆک ، هەروەها حکومەتی عێراق بەرپرسیارە لە پاراستنی نوێنەرایەتییە دیپلۆماسییەکان و ڕاوێژکارە بیانییەکان لە عێراق، بۆیە زیانگەیاندن بەوان هێرشکردنە بۆ سەر سەروەری عێراق و لەدەرەوەی چوارچێوەی سیاسەتی کردەوەی حکومەتن .
راگەیەندراوەکە ئەوەشی خستۆتەروو :- کە فوئاد حسێن دووپاتیکردۆتەوە کە پێویستە بگەڕێینەوە بۆ مێزی دانوستانەکان لە نێوان لیژنەی سەربازی هاوبەش بۆ گەیشتن بە لێکتێگەیشتنی نوێ سەبارەت بە بوون و ئەرکی سەربازان بۆ کاری ڕاوێژکاری ویلایەتە یەکگرتووەکانی ئەمریکا و وڵاتانی هاوپەیمان لە عێراق.
لای خۆیانەوە "باڵیۆز تۆماس سایلر " سەرۆکی نوێنەرایەتی یەکێتی ئەوروپا لە بەغدا سەرەخۆشی و هاوسۆزی دڵسۆزی خۆی بۆ حکومەت و گەلی عێراق دەربڕی، ئامادەیی یەکێتیی ئەوروپا بۆ پاڵپشتیکردنی سەقامگیریی عێراق و کارکردن بۆ ئاشتی و ئاسایش لە ناوچەکەدا دەربڕی.
هەروەها ژمارەیەک باڵیۆزی نوێنەرایەتییە دیپلۆماسییەکانی ئەوروپا کە لە عێراق کاردەکەن، پشتیوانی خۆیان بۆ حکومەتی عێراق دەربڕی.
لە کۆتایی راگەیەندراوەکەی وەزارەتی دەرەوەدا هاتووە :- کە "فوئاد حسێن" وەزیری دەرەوە ، جەختی لە پێویستی کۆتاییهێنان بە ململانێکان لە ناوچەکە و ئاگربەست لە کەرتی غەززە و وازهێنان لە بژاردە سەربازییەکان لە پێناو دوورکەوتنەوە لە پەرەسەندن لە ناوچەکەدا کردەوە.
كلمات مفتاحية
اخبار ذات صلة
تعليقات
دوایین هەواڵەکان
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
ترەمپ: لەسەر داوای پاکستان هێرشەکانی سەر ئێران بۆ دوو هەفتە رادەگرم
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
